ముత్తయ్య మురళీధరన్ బయోపిక్... రానా ప్రొడ్యూసర్... విజయ్ సేతుపతి హీరో
తెలుగు, తమిళం, మలయాళం, హిందీ అని భాషలతో తేడా లేకుండా కథ, పాత్ర నచ్చితే చాలు నిడివి తో సంబంధం లేకుండా సినిమాలు చేయడానికి సిద్ధం అయిపోతున్నాడు రానా దగ్గుబాటి. నటుడిగా, నిర్మాత గా రానా గోల్ ఒక్కటేనట… మంచి కథలని ప్రేక్షకులకి ఏదో ఒకలాగా చేరవెయ్యాలనేది రానా ఉద్దేశమట. అయితే ఇప్పుడు తాజాగా శ్రీలంక క్రికెటర్ ముత్తయ్య మురళీధరన్ జీవితం ఆధారంగా తెరకెక్కనున్న బయోపిక్ ని రానా తనే సొంతం గా సురేష్ ప్రొడక్షన్స్ లో […]
తెలుగు, తమిళం, మలయాళం, హిందీ అని భాషలతో తేడా లేకుండా కథ, పాత్ర నచ్చితే చాలు నిడివి తో సంబంధం లేకుండా సినిమాలు చేయడానికి సిద్ధం అయిపోతున్నాడు రానా దగ్గుబాటి. నటుడిగా, నిర్మాత గా రానా గోల్ ఒక్కటేనట… మంచి కథలని ప్రేక్షకులకి ఏదో ఒకలాగా చేరవెయ్యాలనేది రానా ఉద్దేశమట.
అయితే ఇప్పుడు తాజాగా శ్రీలంక క్రికెటర్ ముత్తయ్య మురళీధరన్ జీవితం ఆధారంగా తెరకెక్కనున్న బయోపిక్ ని రానా తనే సొంతం గా సురేష్ ప్రొడక్షన్స్ లో నిర్మిస్తున్నాడు.
Suresh Productions and I are proud to be associated with Dar films in telling the story of a legend thru a legendary actor. #VijaySethupathi as #MuttiahMuralidharan soon!! @SureshProdns #DAR
— Rana Daggubati (@RanaDaggubati) July 30, 2019
గత రెండు మూడు రోజులుగా ఈ ప్రాజెక్ట్ కి సంబందించిన వార్తలు వచ్చిన విషయం విదితమే. ఈ నేపథ్యం లో ప్రాజెక్ట్ ని అధికారికం గా ఖరారు చేస్తూ రానా ట్వీట్ కూడా చేశాడు. సురేష్ ప్రొడక్షన్స్ తో పాటు డర్ మీడియా అనే ఇంకొక సంస్థ కూడా ఈ సినిమా ని నిర్మించనుంది.
మక్కల్ సెల్వన్ గా దక్షిణాదిన ఎంతో ప్రాచుర్యం ఉన్న నటుడు విజయ్ సేతుపతి ఈ సినిమా లో ప్రధాన పాత్ర పోషిస్తున్నాడు. శ్రీపతి అనే ఒక నూతన దర్శకుడు ఈ సినిమా తో పరిచయం కానున్నాడు. ఈ సినిమా కి సంబంధించి మరిన్ని వివరాలు త్వరలో వెలువడనున్నాయి.
