ఐరెన్ లెగ్ ముద్ర పోయిందిగా!

హీరోయిన్ కు ఒక్కసారి ఐరెన్ లెగ్ ముద్ర పడితే ఇక అంతే సంగతులు. ఎంతోమంది హీరోయిన్లు ఇలా ఐరెన్ లెగ్ ముద్రతో కెరీర్ ను చాలించిన సందర్భాలు అనేకం ఉన్నాయి. కానీ ఐరెన్ లెగ్ ముద్రను పోగొట్టుకొని సక్సెస్ ఫుల్ హీరోయిన్ అనిపించుకున్న భామలు మాత్రం చాలా తక్కువ మంది. మొన్నటివరకు ఐరెన్ లెగ్ అనిపించుకున్న పూజా హెగ్డే ఇప్పుడు హిట్ హీరోయిన్ అనిపించుకుంది. ఇప్పుడీ లిస్ట్ లోకి మరో భామ కూడా చేరింది. ఆమె పేరు నిధి అగర్వాల్.

ఏ ముహూర్తాన ఫీల్డ్ కు వచ్చిందో కానీ నిధికి అన్నీ ఫ్లాపులే. సవ్యసాచి ఫ్లాప్ అయింది. ఆ తర్వాత వచ్చిన మిస్టర్ మజ్ను కూడా ఫ్లాప్ అయింది. ఇలా రెండు ఫ్లాపులతో ఐరెన్ లెగ్ అనిపించుకున్న ఈభామ, ఎట్టకేలకు ఇస్మార్ట్ శంకర్ తో సక్సెస్ బాట పట్టింది. ఇప్పుడామెకు ఒక్కసారిగా క్రేజ్ పెరిగింది.

నిజానికి తెలుగులో హిట్స్ లేకపోవడంతో ఇస్మార్ట్ శంకర్ తర్వాత తమిళ పరిశ్రమకు చెక్కేద్దామనుకుంది నిధి. కానీ ఊహించని విధంగా ఇస్మార్ట్ శంకర్ హిట్ అవ్వడంతో ఈ భామ తన ఆలోచనలు మార్చుకుంది. తెలుగులోనే మరిన్ని సినిమాలు చేయాలని ఫిక్స్ అయింది. పనిలోపనిగా రెమ్యూనరేషన్ కూడా పెంచే ఆలోచనలో ఉంది కన్నడ భామ.