పోలీసుల అదుపులో గ‌రుడ శివాజీ !
అలంద మీడియా కేసులో పోలీసులు స్పీడ్ పెంచారు. గ‌రుడ శివాజీని సైబరాబాద్ పోలీసులు అదుపులోకి తీసుకున్నారు. శంషాబాద్ ఎయిర్ పోర్టులో సైబరాబాద్ పోలీసులు శివాజీని ప‌ట్టుకున్నారు. సైబరాబాద్ సైబర్ క్రైమ్ పీఎస్ కి శివాజీ ని తరలించారు. దేశం దాటి వెళ్లాలని శివాజీ పారిపోయే ప్రయత్నం చేస్తుండగా పట్టుకున్నామని పోలీసులు తెలిపారు. ఎన్నిసార్లు నోటీసులు ఇచ్చినా శివాజీ స్పందించలేదని పోలీసులు పేర్కొన్నారు. విదేశాలకు వెళ్లేందుకు ప్రయత్ని౦చగా పట్టుకున్నామని చెప్పారు. కోర్టు ఆదేశాల ప్రకారం 41 సీఆర్పీసి నోటీసులు […]
అలంద మీడియా కేసులో పోలీసులు స్పీడ్ పెంచారు. గ‌రుడ శివాజీని సైబరాబాద్ పోలీసులు అదుపులోకి తీసుకున్నారు. శంషాబాద్ ఎయిర్ పోర్టులో సైబరాబాద్ పోలీసులు శివాజీని ప‌ట్టుకున్నారు. సైబరాబాద్ సైబర్ క్రైమ్ పీఎస్ కి శివాజీ ని తరలించారు.
దేశం దాటి వెళ్లాలని శివాజీ పారిపోయే ప్రయత్నం చేస్తుండగా పట్టుకున్నామని పోలీసులు తెలిపారు. ఎన్నిసార్లు నోటీసులు ఇచ్చినా శివాజీ స్పందించలేదని పోలీసులు పేర్కొన్నారు. విదేశాలకు వెళ్లేందుకు ప్రయత్ని౦చగా పట్టుకున్నామని చెప్పారు.
కోర్టు ఆదేశాల ప్రకారం 41 సీఆర్పీసి నోటీసులు జారీ చేస్తామ‌ని… విచారణకు సహకరించాల్సిందిగా కోరుతామ‌ని చెప్పారు. నోటీసుల ఆధారం గా శివాజీ ని విచారిస్తామని సైబరాబాద్ పోలీసులు చెప్పారు.
టీవీ9ని అలంద మీడియా కొనుగోలు చేసింది. ఈ వ్య‌వ‌హారంలో ర‌విప్ర‌కాష్ త‌న‌కు షేర్లు అమ్మాడని…. అయితే ఆ షేర్లను త‌న‌కు బ‌దిలీ చేయ‌లేద‌ని శివాజీ ఇంత‌కుముందు నేష‌న‌ల్ లా ట్రిబ్యున‌ల్‌ లో ఫిర్యాదు చేశాడు. ఆ త‌ర్వాత హైకోర్టులో కేసు కూడా వేశాడు.
అయితే ఆ త‌ర్వాత ర‌విప్రకాష్‌తో పాటు శివాజీ కూడా అజ్ఞాతంలోకి వెళ్లాడు. ఇప్పుడు ఎయిర్‌పోర్టులో పోలీసులు శివాజీ పారిపోతుండగా అదుపులోకి తీసుకున్నారు.
