ఫిల్మ్ ఇన్‌స్టిట్యూట్‌ ఏర్పాటు చేస్తున్న జనసేన

జనసేన పార్టీ ఫిల్మ్ ఇన్‌స్టిట్యూట్‌ను ఏర్పాటు చేస్తున్నట్టు ప్రకటించింది. జనసేన ఆధ్వర్యంలో పాలకొల్లు వేదికగా దీన్ని ఏర్పాటు చేస్టున్నట్టు అధికారికంగా జనసేన ప్రకటించింది.

అల్లు రామలింగయ్య, దాసరి, కోడి రామకృష్ణ లాంటి వారు ఎందరో పాలకొల్లు నుంచి వచ్చిన వారేనని… నవతరంలో ఉన్న నైపుణ్యాన్ని తీర్చిదిద్దేలా పాలకొల్లులో శ్రీ ఎస్‌వీ రంగారావు ఫిల్మ్ ఇన్‌స్టిట్యూట్‌ను ఏర్పాటు చేస్తున్నట్టు జనసేన వెల్లడించింది.

హరిరామజోగయ్య దీనికి చైర్మన్‌గాను, రాజా వన్నెం రెడ్డి ప్రిన్సిపల్‌గా ఉంటారని జనసేన వివరించింది. ఇన్‌స్టిట్యూట్ ప్రారంభోత్సవానికి పవన్‌ కల్యాణ్ వస్తారని ప్రకటించింది.

అటు అనారోగ్యంతో హైదరాబాద్‌లో చికిత్స పొందుతున్న హరిరామజోగయ్యను పవన్‌ కల్యాణ్ పరామర్శించారు. హరిరామజోగయ్య తనకు మార్గదర్శకుడిగా వ్యవహరించాలని పవన్ కల్యాణ్ కోరారు.