చోక్సీ పౌరసత్వం రద్దు చేసిన ఆంటిగ్వా

పంజాబ్ నేషనల్ బ్యాంకు కుంభకోణంలో నిందితుడిగా ఉన్న చోక్సీని భారత్‌కు రప్పించేందుకు మార్గం సుగమం అవుతోంది. ప్రస్తుతం చోక్సీ ఆంటిగ్వాలో తలదాచుకున్నాడు. చోక్సీ పౌరసత్వాన్ని రద్దు చేయాలని ఆ దేశ ప్రధాని నిర్ణయించుకున్నారు. నీరవ్‌ మోడీతో పాటు ఈ స్కాంలో చోక్సీ నిందితుడు. 13,500 కోట్ల స్కాంకు వీరు పాల్పడ్డారు.

గతేడాది పంజాబ్ నేషనల్ బ్యాంకు కుంభకోణం బయటకు రావడంతో నీరవ్ మోడీ, చోక్సీ ఇద్దరూ దేశం విడిచి పారిపోయారు. చోక్సీ ఆంటిగ్వాలో దాక్కున్నాడు.

దాంతో ఈడీ ఆ దేశంతో చర్చలు జరిపింది. భారత్‌ ఒత్తిడికి తలొగ్గిన ఆంటిగ్వా ప్రధాని చోక్సీ పౌరసత్వాన్ని రద్దు చేసింది. వైద్యం కోసమే తాను ఇక్కడికి వచ్చానని చోక్సీ వాదించాడు. దాంతో చోక్సీని తీసుకొచ్చేందుకు ఎయిర్ అంబులెన్స్ కూడా ఏర్పాటు చేస్తామని ఈడీ అధికారులు ప్రకటించారు.