డబ్బింగ్ కి మెగా హీరోలా? అక్కినేని హీరోలా?

ప్రపంచంలోనే ప్రముఖ నిర్మాణ సంస్థ డిస్నీ వారు ఆనిమేటెడ్ సినిమాలు తీయడంలో ముందుంటారు. తాజాగా 1994లో విడుదలైన ‘లయన్ కింగ్’ సినిమాని ఇప్పుడు 3 డి విడుదల చేయబోతున్నారు. ఈ సినిమా పలు భారతీయ భాషల్లో కూడా విడుదల కాబోతోంది.

సినిమాలో ముసఫా, సింబా అంటూ తండ్రి కొడుకు పాత్రలు ఉంటాయి. తాజా సమాచారం ప్రకారం నిజజీవితంలో కూడా తండ్రి కొడుకులు ఈ పాత్రలకు డబ్బింగ్ చెప్పనున్నట్టు తెలుస్తోంది. హిందీ లో షారుక్ ఖాన్ మరియు అతని తనయుడు ఆర్యన్ ఖాన్ డబ్బింగ్ చెబుతుండగా, మలయాళంలో మోహన్ లాల్ మరియు అతని కొడుకు ప్రణవ్ మోహన్ లాల్ డబ్బింగ్ చెప్పనున్నారు.

మరి తెలుగులో ఏ తండ్రీ కొడుకులు ఈ సినిమాకి డబ్బింగ్ చేయబోతున్నారు అనే విషయంపై గత కొంతకాలంగా పెద్ద చర్చ నడుస్తోంది.

తాజా సమాచారం ప్రకారం మెగాస్టార్ చిరంజీవి మరియు రామ్ చరణ్ ఈ సినిమాకి డబ్బింగ్ చెప్పబోతున్నారు అంటుండగా, మరికొందరు నాగార్జున, నాగచైతన్య డబ్బింగ్ చెప్పనున్నారు అని పుకార్లు సృష్టించారు.

వీటిలో నిజానిజాలు ఇంకా తెలియాల్సి ఉంది. దీనికి సంబంధించిన అధికారిక ప్రకటన త్వరలో వెలువడనుంది. సినిమా ప్రపంచవ్యాప్తంగా జులై 19న విడుదల కానుంది.