నితిన్ తో ప్రియా వారియర్...

నితిన్ కొద్ది రోజుల క్రితమే తన తదుపరి చిత్రం చంద్రశేఖర్ యేలేటి దర్శకత్వం లో ఉంటుందని అధికారికం గా అనౌన్స్ చేశాడు. అయితే ఈ సినిమా ఎప్పుడు మొదలు అవుతుంది అనే క్లారిటీ లేదు. ఒక పక్క నితిన్ అర్జెంట్ గా వెంకీ కుడుముల దర్శకత్వం లో భీష్మ అనే సినిమా ని మొదలు పెట్టాలి. ఆ తర్వాత వెంకీ అట్లూరి తో కూడా ఒక సినిమా ఉండబోతుందని తెలుస్తోంది.

చంద్రశేఖర్ యేలేటి సినిమా ఎప్పుడు సెట్స్ పైకి వెళ్తుంది అనే క్లారిటీ లేదు కానీ ఈ సినిమా కి సంబందించిన ప్రీ-ప్రొడక్షన్ పనులు మాత్రం చక చకా సాగిపోతున్నాయి.

చంద్రశేఖర్ యేలేటి ఈ సినిమా కి సంబంధించిన నటుల్ని, టెక్నీషియన్ల ని లాక్ చేసుకుంటూ వెళ్తున్నాడు. తాజా సమాచారం ప్రకారం ఈ సినిమా లో ప్రియా వారియర్ ని హీరోయిన్ గా తీసుకోనున్నట్లు తెలుస్తుంది.

మలయాళం లో ‘ఒరు ఆధార్ లవ్’ అనే సినిమా తో తెరంగేట్రం చేసిన ప్రియా వారియర్…. ప్రస్తుతం అవకాశాల కోసం చూస్తుండగా ఈ సినిమా ఆమెని వరించింది. దీని పై అధికారిక ప్రకటన వెలువడాల్సి ఉంది. ఆనంద్ ప్రసాద్ ఈ సినిమా ని నిర్మిస్తున్నాడు.