ఫ్రెంచ్ ఓపెన్ క్వార్టర్స్ లో జోకోవిచ్ రికార్డు

• వరుసగా పదోసారి ప్రీ-క్వార్టర్స్ నెగ్గిన జోకోవిచ్
• క్వార్టర్స్ లో జ్వెరేవ్ తో జోకోవిచ్ సమరం

ప్రపంచ నంబర్ వన్ ఆటగాడు నొవాక్ జోకోవిచ్… వరుసగా పదోసారి ఫ్రెంచ్ ఓపెన్ క్వార్టర్ ఫైనల్స్ చేరడం ద్వారా అరుదైన రికార్డు నమోదు చేశాడు.

చివరకు ఫ్రెంచ్ ఓపెన్ కింగ్ రాఫెల్ నడాల్ కు సైతం దక్కని రికార్డు సాధించాడు.

పారిస్ లోని రోలాండ్ గారోస్ వేదికగా జరిగిన ఫ్రెంచ్ ఓపెన్ ప్రీ-క్వార్టర్ ఫైనల్లో టాప్ సీడ్ జోకోవిచ్…6-3, 6-2, 6-2తో జర్మనీకి చెందిన 45వ ర్యాంకర్ జాన్ లెనార్డ్ స్ట్రఫ్ ను చిత్తు చేసి…రికార్డుస్థాయిలో పదోసారి క్వార్టర్స్ లో అడుగుపెట్టాడు.

ఫ్రెంచ్ ఓపెన్ పురుషుల సింగిల్స్ చరిత్రలో వరుసగా పదిసార్లు క్వార్టర్స్ చేరిన తొలి, ఏకైక ఆటగాడు జోకోవిచ్ మాత్రమే.

సెమీఫైనల్లో చోటు కోసం జరిగే క్వార్టర్ ఫైనల్లో…జర్మన్ యంగ్ గన్ అలెగ్జాండర్ జ్వెరేవ్ తో జోకోవిచ్ తలపడతాడు.