మహేష్ సినిమా కోసం... సైరా టెక్నీషియన్

ఈ మధ్యనే ‘మహర్షి’ సినిమాతో మరో హిట్ ను అందుకున్న టాలీవుడ్ సూపర్ స్టార్ మహేష్ బాబు త్వరలో తన తదుపరి సినిమా అయిన ‘సరిలేరు నీకెవ్వరు’ పై దృష్టి పెట్టనున్నాడు. డైరెక్టర్ అనిల్ రావిపూడి ఈ సినిమాకి దర్శకత్వం వహిస్తున్నాడు.

అనిల్ సుంకర మరియు దిల్ రాజు సంయుక్తంగా ఈ చిత్రాన్ని నిర్మించనున్నారు. తాజాగా ఈ సినిమాకి పని చేయబోతున్న టెక్నీషియన్ల పేర్లు ఒక్కొక్కరిగా బయటకు వస్తున్నాయి. ఈ సినిమా కోసం దేవిశ్రీ ప్రసాద్ సంగీతాన్ని సమకూర్చనున్నాడు.

తాజా సమాచారం ప్రకారం ఈ చిత్ర నిర్మాతలు ప్రముఖ సినిమాటోగ్రాఫర్ రత్నవేలును తీసుకోబోతున్నట్లు తెలుస్తోంది. ఇంతకుముందు ‘ఆర్య’, ‘రోబో’, ‘2.0’, ‘ఖైదీ నెంబర్ 150’ వంటి సినిమాలకు సినిమాటోగ్రాఫర్ గా పని చేసిన రత్నవేలు ప్రస్తుతం ‘సై రా’ సినిమాతో బిజీగా ఉన్నాడు.

సైరా షూటింగ్ పూర్తయ్యాక రత్నవేలు క్యాలెండర్ లో ఖాళీలను బట్టి ‘సరిలేరు నీకెవ్వరు’ సినిమా షూటింగ్ జరగబోతున్నట్లు తెలుస్తోంది. ఎప్పుడూ సుకుమార్ సినిమాలకు సినిమాటోగ్రాఫర్ గా పని చేసే రత్నవేలు మహేష్ బాబు ‘వన్ నేనొక్కడినే’ సినిమాకి సినిమాటోగ్రాఫర్ గా పని చేశారు. అన్నీ అనుకున్నట్లు జరిగితే ‘సరిలేరు నీకెవ్వరు’ సినిమాతో మహేష్ రత్నవేలు కాంబినేషన్ని మరొకసారి మనం చూడొచ్చు.