అవసరం లేదు.... కేవలం సెంటిమెంట్

మజిలీ సూపర్ హిట్ అయింది. నాగచైతన్య కెరీర్ లోనే అతిపెద్ద సక్సెస్ గా నిలిచింది. అందుకే సమంత ఇప్పుడో గోల్డెన్ హ్యాండ్ అయింది. కేవలం మజిలీ సక్సెస్ ను దృష్టిలో పెట్టుకొని సమంతను రిపీట్ చేశాడు నాగార్జున. అవసరం లేకపోయినా మన్మధుడు-2 సినిమాలో సమంతకు ఓ రోల్ సృష్టించి మరీ ఇచ్చారు. ప్రస్తుతం పోర్చుగల్ లో సమంత-నాగ్ పై కొన్ని సన్నివేశాలు తీస్తున్నారు.

నాగార్జున ఈ నిర్ణయం తీసుకోవడానికి కేవలం మజిలీ సినిమా మాత్రమే ప్రాతిపదిక కాదు. గతంలో నాగ్-సమంత కలిసి నటించిన మనం సినిమా ఎంత హిట్ అయిందో అందరికీ తెలిసిందే. నాగ్-సమంత కలిసి చేసిన రాజుగారి గది-2కు కూడా మంచి వసూళ్లు వచ్చాయి. దీంతో నాగార్జునకు సమంత సెంటిమెంట్ అయింది

పైగా ఈమధ్య కాలంలో నాగ్ మార్కెట్ పడిపోయింది. ఆఫీసర్ సినిమా డిజాస్టర్ తర్వాత ఇక కోలుకోవడం కష్టం అనేంతలా పరిస్థితి తయారైంది. అందుకే మన్మధుడు-2 సినిమా కోసం అన్ని కమర్షియల్ ఎలిమెంట్స్ తో పాటు సమంత అనే సెంటిమెంట్ అస్త్రాన్ని కూడా ప్రయోగిస్తున్నాడు నాగ్.