ఇతర భాషల్లో నటించడానికి రెడీ అంటున్న బన్నీ 

టాలీవుడ్ స్టైలిష్ స్టార్ అల్లు అర్జున్ కి ఎంత పెద్ద ఫ్యాన్ ఫాలోయింగ్ ఉందో అందరికీ తెలిసిన విషయమే. కేవలం తెలుగులోనే కాక కేరళలో కూడా అల్లు అర్జున్ కు మంచి ఇమేజ్ ఉంది. అక్కడ అందరూ బన్నీని మల్లు అర్జున్ అని పిలుచుకుంటారు. అయితే తాజాగా ఒక ఇంటర్వ్యూలో….. బన్నీ తనకు ఇతర భాషల్లో పనిచేయడం అంటే ఆసక్తి ఉందని చెప్పుకొచ్చాడు.

ఇతర భాషల్లో కి అడుగు పెట్టడానికి తనకి ఇదే మంచి సమయమని, మంచి పాత్ర వస్తే తాను ఇతర భాషల్లో కూడా సినిమాలు చేసేందుకు సిద్ధంగా ఉన్నానని అల్లు అర్జున్ ప్రకటించాడు.

అంతేకాకుండా తెలుగు ఇండస్ట్రీ ఇప్పుడు బెస్ట్ ఫేస్ లో ఉందని, టాలీవుడ్ ఏకంగా ఇండియన్ సినిమాలో కొత్త స్టాండర్డ్ లను సృష్టిస్తోందని బన్నీ తన అభిప్రాయాన్ని వెల్లడించాడు.

అంతేకాకుండా బన్నీ తన తదుపరి సినిమా మాటల మాంత్రికుడు త్రివిక్రమ్ శ్రీనివాస్ దర్శకత్వంలో చేస్తున్న సంగతి తెలిసిందే. ఈ సినిమా గురించి మాట్లాడుతూ బన్నీ ఇది ఒక ఫుల్ లెన్త్ ఎంటర్ టైనర్ అని అన్నారు. అంతేకాకుండా ఈ సినిమాలో టబు ముఖ్య పాత్ర పోషించబోతోంది అని కూడా క్లారిటీ ఇచ్చాడు.

ఇక నెపోటిజం గురించి మాట్లాడుతూ ఎవరికి ఎలాంటి బ్యాగ్రౌండ్ ఉన్నప్పటికీ ఇండస్ట్రీలో నెగ్గాలంటే ఉండాల్సింది కేవలం టాలెంట్ మాత్రమే అని సూటిగానే చెప్పాడు బన్నీ.