మొన్న 'జీఎస్టీ'.... నేడు 'కోబ్రా'.... అభిమానులు ఆశ్చర్యం

టాలీవుడ్ లో టాప్ మ్యూజిక్ డైరెక్టర్లలో ఎంఎం కీరవాణి కూడా ఒకరు. దాదాపు ఎస్.ఎస్.రాజమౌళి దర్శకత్వం వహించిన అన్ని సినిమాలకీ కీరవాణి సంగీతాన్ని అందించారు.

మరి అది ఏం విచిత్రమో తెలియదు కాని రాజమౌళి సినిమాలకు కీరవాణి అందించిన సంగీతం ఎప్పుడూ బ్లాక్ బస్టర్ అవుతుంది. కానీ రాజమౌళి కాకుండా వేరే సినిమాలకు సంగీతాన్ని అందించినప్పటికీ అవి పెద్దగా పేరు తీసుకురాలేకపోయాయి. ఇదిలా ఉండగా మరోవైపు కీరవాణి మరొక రకంగా ఫ్యాన్స్ నుండి నెగిటివిటీని అందుకుంటున్నారు.

‘బాహుబలి’ లాంటి ప్రతిష్టాత్మక సినిమాకు సంగీతాన్ని అందించిన కీరవాణి, వివాదాస్పద దర్శకుడు రామ్ గోపాల్ వర్మ దర్శకత్వం వహించిన అడల్ట్, బోల్డ్ సినిమా ‘గాడ్, సెక్స్ అండ్ ట్రూత్ (జీఎస్టీ)’ కి సంగీతాన్ని అందించడం అందరినీ షాక్ కు గురి చేసింది. అభిమానులు దీనిపై నెగిటివ్ గా రియాక్ట్ అయ్యారు. కానీ కీరవాణి మళ్లీ అదే తప్పు చేయబోతున్నారు.

ఒకవైపు రాజమౌళి దర్శకత్వం వహిస్తున్న పెద్ద బడ్జెట్ సినిమా ‘ఆర్ఆర్ఆర్’ కు సంగీతాన్ని అందిస్తున్న కీరవాణి… మరొకవైపు వర్మ ముఖ్య పాత్రలో నటిస్తున్న ‘కోబ్రా’ సినిమాకు కూడా సంగీతాన్ని అందిస్తున్నారు. ఈ విషయంలో కొందరు అభిమానులు కీరవాణి పై మండి పడుతున్నారు. మరి కీరవాణి ఎలా రియాక్ట్ అవుతాడో చూడాలి.