తేజూ, ఎన్టీఆర్ ను కలిపిన చరణ్

రామ్ చరణ్, ఎన్టీఆర్ బెస్ట్ ఫ్రెండ్స్. ప్రస్తుతం కలిసి సినిమా కూడా చేస్తున్నారు. కానీ సాయిధరమ్ తేజ్, ఎన్టీఆర్ కు పెద్దగా పరిచయం లేదు. మరీ ముఖ్యంగా సాయిధరమ్ తేజ్ సినిమా ఫంక్షన్ కు ఎన్టీఆర్ వచ్చేంత సీన్ కూడా లేదు. కానీ వర్కవుట్ అయింది. చిత్రలహరి ప్రీ-రిలీజ్ ఈవెంట్ కు యంగ్ టైగర్ వస్తున్నాడు. దీనికి కారణం రామ్ చరణ్.

అవును.. చరణ్ సిఫార్స్ తోనే చిత్రలహరి ప్రీ-రిలీజ్ ఈవెంట్ కు ఎన్టీఆర్ ప్రత్యేక అతిథిగా వస్తున్నాడట. మరోవైపు దీనికి సంబంధించి మరో వాదన కూడా వినిపిస్తోంది. మైత్రీ మూవీ మేకర్స్ నిర్మాతలు, ఎన్టీఆర్ చాలా క్లోజ్. ఆర్-ఆర్-ఆర్ తర్వాత మైత్రీ బ్యానర్ పైనే ఎన్టీఆర్ మూవీ ఉంటుంది. ఈ మేరకు అడ్వాన్స్ కూడా తారక్ వద్ద ఉంది. చిత్రలహరి ఈవెంట్ కు తారక్ రావడానికి ఇది కూడా ఓ కారణం అంటున్నారు.

ప్రస్తుతానికైతే ఈ రెండు కారణాలు కరెక్టే. రీజన్ ఏదైతేనేం, ఒకే వేదికపై సాయిధరమ్ తేజ్ ను, ఎన్టీఆర్ ను చూడబోతున్నాం. ఏప్రిల్ 12న ఈ సినిమా థియేటర్లలోకి రాబోతోంది. ప్రీ-రిలీజ్ డేట్ ను ఇంకా ఫైనలైజ్ చేయలేదు. ఎన్టీఆర్ కాల్షీట్ వివరాలు కనుక్కొని, అతడికి అనుకూలంగా ఉన్న టైమ్ ను ఫిక్స్ చేయబోతున్నారు.