బన్నీ కంటే ముందే ఎన్టీఆర్ సీన్ లోకి వచ్చాడా?

ప్రస్తుతం ‘మహర్షి’ సినిమా షూటింగ్ తో బిజీగా ఉన్న టాలీవుడ్ సూపర్ స్టార్ మహేష్ బాబు ఈ సినిమా షూటింగ్ పూర్తయిన వెంటనే సుకుమార్ దర్శకత్వంలో ఒక సినిమా చేయనుకున్నాడని అందరూ అనుకున్నారు.

అయితే ఉన్నట్టుండి సుకుమార్ అల్లు అర్జున్ తో సినిమా చేస్తున్నట్టు ప్రకటన వచ్చింది. అదేంటి అని ఆలోచించే లోపు తరువాతి రోజే మహేష్ బాబు సుకుమార్ తో ప్రాజెక్ట్ చేయడం లేదని చెప్పి బాంబు పేల్చాడు.

అసలు వీరిమధ్య ఏం జరిగింది? మహేష్-సుకుమార్ ప్రాజెక్ట్ పక్కన పెడితే సడన్ గా సుకుమార్-అల్లు అర్జున్ ప్రాజెక్ట్ ఎక్కడనుండి పుట్టుకొచ్చింది? అనే ప్రశ్నలు వచ్చాయి. ఈ నేపథ్యంలో మరొక ఆసక్తికరమైన వార్త ఒకటి చర్చ కి వచ్చింది.

అయితే బన్నీ ని కలిసే ముందు సుకుమార్ జూనియర్ ఎన్టీఆర్ ని కలిసాడట. తనతో సినిమా ప్రకటించమని కోరగా, రాజమౌళి సినిమా పూర్తవ్వకుండా మరో సినిమా ప్రకటించే ఉద్దేశం లేదని తేల్చి చెప్పాడట.

ఇక చేసేది లేక బన్నీ వద్దకు వెళ్లి అడగగా, బన్నీ కి సుకుమార్ కి ఉన్న స్నేహం కొద్దీ సుకుమార్ తో సినిమా అనౌన్స్ చేసేశాడు. అలా అల్లు క్యాంప్ లోకి మళ్ళీ చేరాడు సుక్కు. మధ్యలో ఎన్టీఆర్ గురించి వచ్చిన వార్తలో ఎంత వరకు నిజముందో ఇంకా తెలియాల్సి ఉంది.