స్టార్ డైరెక్టర్ కి నో చెప్పిన శ్రీ విష్ణు

‘డీజే’ సినిమాతో ప్రేక్షకుల ముందుకు వచ్చిన దర్శకుడు హరీష్ శంకర్ ఇన్నాళ్ల తర్వాత మళ్లీ తెలుగు ప్రేక్షకులను పలకరించనున్నాడు. వరుణ్ తేజ్ ముఖ్యపాత్రలో తమిళంలో సూపర్ హిట్ అయిన ‘జిగర్తాండ’ సినిమాను తెలుగులో తెరకెక్కించనున్నాడు.

అయితే ఇది మల్టీ స్టారర్ మూవీ. వరుణ్ తేజ్ ఒక హీరో పాత్రలో కనిపించనున్నాడు. రెండవ హీరో కోసం చాలాకాలం వెతికిన హరీష్ శంకర్ చివరికి హీరో శ్రీ విష్ణు నీ సంప్రదించాడు. ‘వీర బోగ వసంత రాయలు’ తో డిజాస్టర్ అందుకున్న శ్రీ విష్ణు ఈ సినిమాకు నో చెప్పాడని తెలుస్తోంది. కారణం తెలియకపోయినా ఈ మల్టీస్టారర్ సినిమాలో నటించడానికి శ్రీ విష్ణు ఆసక్తి చూపలేదట.

ఇక తెలుగులో ఎవరు దొరకలేదని తమిళ ఇండస్ట్రీ నుంచి ఒక హీరో ను తీసుకు వద్దామని డిసైడ్ అయ్యారు దర్శకనిర్మాతలు. తాజా సమాచారం ప్రకారం తమిళ హీరో మురళీ తనయుడైన అధర్వను ఈ సినిమాలో రెండవ హీరోగా తెలుగు ప్రేక్షకులకు పరిచయం చేయనున్నట్లు తెలుస్తోంది. ఈ సినిమా షూటింగ్ ఇప్పటికే మొదలైంది.

‘ఎఫ్ 2’ సినిమా సక్సెస్ తర్వాత అదే జోరుతో ఈ సినిమా షూటింగ్ లో నిమగ్నమయ్యాడు వరుణ్ తేజ్. 14 రీల్స్ సంస్థ ఈ సినిమాను నిర్మిస్తోంది.