"మహర్షి" టీం పై సీరియస్ గా ఉన్న దిల్ రాజు

సూపర్ స్టార్ మహేష్ బాబు ప్రస్తుతం “మహర్షి” సినిమాతో బిజీగా ఉన్నాడు. వంశీ పైడిపల్లి దర్శకత్వంలో వస్తున్న ఈ సినిమా పై అభిమానుల్లో ఎన్నో అంచనాలు ఉన్నాయి.

ఈ సినిమాలో మహేష్ బాబు అమెరికా లో ఒక పెద్ద కంపెనీకి సి.ఈ.ఓ గా నటిస్తున్నాడు. అక్కడ అంత పెద్ద పోసిషన్ లో ఉండి కూడా ప్రాణ స్నేహితుడికి ప్రాబ్లం ఉందని తెలుసుకుని ఇండియా లో ఒక చిన్న పల్లెటూరికి వస్తాడట మహేష్ బాబు.

అయితే ఈ పల్లెటూరి వాతావరణంలో చిత్రీకరణ జరుగుతున్న కొన్ని సన్నివేశాలకు సంబంధించిన ఫొటోలు, వీడియోలు ఇప్పుడు సోషల్ మీడియాలో హల్ చల్ చేస్తున్నాయి. ఆ వీడియో లో మహేష్ బాబు పచ్చని పొలాల మధ్యలో నిలబడి మీడియాతో ముచ్చటిస్తూ ఉన్నట్లు కనిపిస్తాడు. అది సినిమాలో ఒక సన్నివేశం. ఈ సీన్ సినిమాలో కీలకమని తెలుస్తోంది.

దీంతో సినిమా యూనిట్ పై ఆగ్రహం వ్యక్తం చేశాడట దిల్ రాజు. బయటి వ్యక్తులను షూటింగ్ సమయంలో లోపలికి రానివ్వకూడని, షూటింగ్ స్పాట్ లో సెల్ ఫోన్లు వాడకూడదని నిబంధనలు పెట్టాలని నిర్ణయించాడట.