త్రివిక్రమ్ చెప్పిన మాట వింటున్న అల్లు అర్జున్

అల్లు అర్జున్ గత చిత్రం అయిన “నా పేరు సూర్య, నా ఇల్లు ఇండియా” బాక్స్ ఆఫీస్ వద్ద ఫ్లాప్ అయిన సంగతి అందరికీ తెలిసిందే. ఆ సినిమా ఫ్లాప్ తరువాత చాలా గ్యాప్ తీసుకున్న అల్లు అర్జున్ రీసెంట్ గా త్రివిక్రమ్ దర్శకత్వంలో సినిమా చేయబోతునట్టు అధికారికంగా ప్రకటించాడు.

ప్రస్తుతం కథ పనుల్లో బిజీగా ఉన్న త్రివిక్రమ్ శ్రీనివాస్ వచ్చే నెల చివరి వారం నుంచి ఈ సినిమాని రెగ్యులర్ షూటింగ్ కి తీసుకెళ్ళనున్నాడు. అయితే ఈ సినిమా షూటింగ్ స్టార్ట్ అయ్యే లోపు అల్లు అర్జున్ ని చాలా సన్నగా అవ్వాలని త్రివిక్రమ్ చెప్పాడట.

కథ పరంగా…. అల్లు అర్జున్ క్యారెక్టర్ పరంగా…. చూసుకుంటే బన్నీ ఈ సినిమాలో చాలా సన్నగా ఉండాలట. అందుకే త్రివిక్రమ్ చెప్పగానే అల్లు అర్జున్ వెంటనే బరువు తగ్గే పనిలో బిజీ అయిపోయాడట.

తండ్రి కొడుకుల మధ్య సాగే సరదా కథగా ఈ సినిమా ఉండబోతుందని టాక్. హారిక హాసిని క్రియేషన్స్ , గీత ఆర్ట్స్ సంస్థలు ఈ సినిమాని సంయుక్తంగా నిర్మిస్తున్నాయి.