భానుప్రియ అరెస్ట్ వార్తలు... సోదరుడి వార్నింగ్

ప్రముఖ నటి భానుప్రియ పని అమ్మాయిని వేధించిన వ్యవహారం ఇటీవల చర్చకు దారి తీసింది. ఏడాదిగా తన కుమార్తెను భానుప్రియ, ఆమె సోదరుడు వేధిస్తున్నారంటూ ఒక మహిళ పోలీసులకు ఫిర్యాదు చేశారు. ఈ నేపథ్యంలో భానుప్రియను పోలీసులు అరెస్ట్ చేశారంటూ పుకార్లు ప్రచారంలోకి వచ్చాయి. సోషల్ మీడియాలో ఈ ప్రచారం జరుగుతోంది. ఈ ప్రచారంపై భానుప్రియ సోదరుడు గోపాలకృష్ణ తీవ్రంగా స్పందించారు.

తన అక్క భానుప్రియ అరెస్ట్ అయ్యారంటూ తప్పుడు ప్రచారం చేసినా, పుకార్లు సృష్టించినా తీవ్ర పరిణామాలుంటాయని హెచ్చరించారు. పుకార్లు సృష్టించే వారిపై చట్టపరంగా చర్యలు తీసుకుంటామని వార్నింగ్ ఇచ్చారు. ప్రస్తుతం షూటింగ్‌లో భాగంగా భానుప్రియ చెన్నైలోనే ఉన్నారని వివరించారు. తమపై ఫిర్యాదుకు కారణమైన అమ్మాయిని పోలీసులకు అప్పగించామని చెప్పారు. తామెలాంటి తప్పు చేయలేదని వివరించారు.

తూర్పుగోదావరి జిల్లా సామర్లకోట మండలం, పండ్రవాడ గ్రామానికి చెందిన ప్రభావతి … భానుప్రియపై ఫిర్యాదు చేశారు. ఇందుకు వెంటనే స్పందించిన భానుప్రియ… తమ ఇంట్లో పనికి ఉన్న అమ్మాయే బంగారం, నగదు దొంగతనం చేసిందని ఎదురు ఆరోపణ చేశారు.