'పేట'లో వేట మొదలైంది

రజనీకాంత్ మరో సినిమాతో రెడీ అయ్యాడు. ఓవైపు 2.O సినిమా థియేటర్లలో కొనసాగుతుండగానే, సంక్రాంతికి పేట (తమిళ్ లో పెట్టా) సినిమాను సిద్ధంచేశాడు. సూపర్ స్టార్ నుంచి ఇలా షార్ట్ గ్యాప్ లో 2 సినిమాలు రావడం ఇదే ఫస్ట్ టైం. ఈ సినిమా తెలుగు ట్రయిలర్ ను కొద్దిసేపటి కిందట విడుదల చేశారు.

2.Oలో మిస్ అయిన రజనీకాంత్ స్టయిల్ ను పూర్తిగా పేట సినిమాలో చూడొచ్చు. రజనీ స్టయిల్, డైలాగ్స్ అన్నీ పేట ట్రయిలర్ లో ఉన్నాయి. పైకి హాస్టల్ వార్డెన్ లా కనిపించే రజనీకాంత్, తెరవెనక గ్యాంగ్ స్టర్ గా కనిపించబోతున్నాడు ఈ సినిమాలో. రజనీ లుక్స్ కు ఇప్పటికే మంచి రెస్పాన్స్ వచ్చింది.

కార్తీక్ సుబ్బరాజు డైరక్ట్ చేస్తున్న ఈ సినిమాలో సిమ్రాన్, త్రిష హీరోయిన్లుగా నటిస్తున్నారు. కీలక పాత్రల్లో విజయ్ సేతుపతి, మేఘా ఆకాష్ కనిపిస్తున్నారు. సంక్రాంతి కానుకగా జనవరి 10న థియేటర్లలోకి రాబోతోంది పేట మూవీ.