అమెరికాలో హల్ చల్ చేసిన ప్రేమజంట

గ్యాప్ దొరికితే బాయ్ ఫ్రెండ్ విఘ్నేష్ శివన్ తో ఫ్లయిట్ ఎక్కేస్తుంది నయనతార. ఈసారి కూడా అదే జరిగింది. మొన్నటికిమొన్న క్రిస్మస్ ను చెన్నైలో సంబరంగా జరుపుకున్న ఈ జంట, న్యూ ఇయర్ సెలబ్రేషన్స్ కోసం ఏకంగా లాస్ వెగాస్ వెళ్లిపోయింది. 31 రాత్రితో పాటు జనవరి 1వ తేదీ కూడా అక్కడే ఫుల్ గా ఎంజాయ్ చేసింది ఈ జంట. లాస్ వెగాస్ లోని ఓ పార్టీలో నయన్-విఘ్నేష్ ఎంజాయ్ చేస్తున్న ఫొటోలు ప్రస్తుతం సోషల్ మీడియాలో వైరల్ అవుతున్నాయి.

దాదాపు రెండేళ్లుగా ప్రేమించుకుంటున్నారు నయనతార, విఘ్నేష్. గతేడాదే వీళ్లిద్దరూ పెళ్లి చేసుకుంటారంటూ పుకార్లు వచ్చాయి. కానీ ప్రస్తుతం కోలీవుడ్ లో నయనతార ఫుల్ ఫామ్ లో ఉంది. సినిమాకు అటుఇటుగా 2 కోట్ల రూపాయల రెమ్యూనరేషన్ తీసుకుంటోంది. ఇలాంటి టైమ్ లో పెళ్లి చేసుకొని కెరీర్ పాడుచేసుకోవడం నయన్ కు ఇష్టం లేదు. అందుకే పెళ్లిని పోస్ట్ పోన్ చేస్తూ వస్తోంది.

మరోవైపు వీళ్లిద్దరి పెళ్లిపై పుకార్లు మాత్రం కొనసాగుతూనే ఉన్నాయి. అన్నీ అనుకున్నట్టు జరిగితే ఈ ఏడాది సమ్మర్ లో వీళ్లిద్దరూ ఓ ఇంటివారు అవుతారంటూ చెన్నైలో పుకార్లు వినిపిస్తున్నాయి.