మరోసారి వినాయక్ దర్శకత్వంలో వెంకటేష్?

గత ఏడాది “ఇంటెలిజెంట్” సినిమాతో ఘోరమైన ఫ్లాప్ ని చవిచూసాడు వి.వి.వినాయక్. ఆ సినిమా తరువాత ఇక వి.వి.వినాయక్ కి సినిమాలు రావు అనుకుంటున్న తరుణంలో బాలక్రిష్ణ పిలిచి మరి వి.వి.వినాయక్ కి ఆఫర్ ఇచ్చాడు. ఇక ఆ సినిమా త్వరలో స్టార్ట్ అవుతుంది అనుకునే టైం లో బోయపాటి శ్రీనుతో సినిమా అనౌన్స్ చేసేసాడు బాలక్రిష్ణ. ఇక ఇప్పుడు తాజా సమాచారం ప్రకారం దర్శకుడు వినాయక్ ఆ కథ తో హీరో వెంకటేష్ ని కలిసాడు అని ఫిలిం నగర్ టాక్.

ఈ కథ విన్న వెంకటేష్ కూడా ఓకే చెప్పారు అనే వార్తలు వినిపిస్తున్నాయి. ఇది వరకు వీళ్ళిద్దరి కాంబినేషన్ లో “లక్ష్మి” అనే పవర్ఫుల్ సినిమా వచ్చింది. వెంకటేష్ కెరీర్ లోనే అది మంచి కమర్షియల్ మూవీ గా తెరకెక్కింది. మరి వరుస ఫ్లాప్స్ లో ఉన్న వి.వి.వినాయక్ కి వెంకటేష్ అవకాశం ఇస్తాడా లేదా అనేది ఇప్పుడు క్యూస్షన్ మార్క్ గా మారింది. ఇకపోతే వెంకటేష్, వరుణ్ తేజ్ లు హీరోలుగా నటించిన “ఎఫ్ 2” సినిమా జనవరి 12 న గ్రాండ్ రిలీజ్ కి రెడీ అవుతుంది.