ఏబీసీడీ ఫస్ట్ లుక్ రిలీజ్

లాంగ్ గ్యాప్ తర్వాత అల్లు శిరీష్ తెరపైకి వచ్చాడు. ఏబీసీడీ అనే టైటిల్ తో కొత్త సినిమా ఫస్ట్ లుక్, మోషన్ పోస్టర్ రిలీజ్ చేశాడు. అమెరికన్ బార్న్ కన్ఫ్యూజ్డ్ దేశీ అనే ట్యాగ్ లైన్ కి తగ్గట్టే ఈ మోషన్ పోస్టర్ ని కూడా ఇంట్రెస్టింగ్ గా డిజైన్ చేశారు మేకర్స్. అమెరికా బ్యాక్ డ్రాప్ లో స్టార్ట్ చేసి, ఇండియా వీధుల్లో ముగించారు. ఈ మోషన్ పోస్టర్ తో సినిమా స్టోరీలైన్ ఏంటనే విషయంపై ఆడియన్స్ కు ఓ క్లారిటీ ఇచ్చారు.

నిజానికి ఏబీసీడీ అనగానే చాలామంది డాన్స్ కాన్సెప్ట్ మూవీ అనుకున్నారు. ఆ అనుమానాల్ని తొలిగించేందుకే మోషన్ పోస్టర్ ను ఇలా వినూత్నంగా డిజైన్ చేశారు. నిజానికి ఇది స్ట్రయిట్ మూవీ కాదు. మలయాళంలో దుల్కర్ సల్మాన్ చేసి సినిమాకు రీమేక్. మలయాళంలో కూడా టైటిల్ ఇదే. అదే టైటిల్ ను యాజ్ ఇటీజ్ గా తెలుగు కోసం వాడేస్తున్నారు.

రుక్సార్ థిల్లాన్ హీరోయిన్ గా నటిస్తున్న ఈ సినిమాను మధుర శ్రీధర్, యష్ రంగినేని నిర్మిస్తున్నారు. గమ్మత్తుగా ఇప్పుడు మూడో నిర్మాత కూడా వచ్చిచేరాడు. అతడే సురేష్ బాబు. అవును.. ఈ సినిమాలో సురేష్ బాబు కూడా వాటా తీసుకున్నాడు. సినిమాకు సమర్పకుడిగా వ్యవహరిస్తున్నాడు. ఫిబ్రవరిలో ఈ సినిమాను విడుదల చేయాలనుకుంటున్నారు.