చంద్రబాబు ఒక దద్దమ్మ, డర్టీ పొలిటీషియన్‌, ఇతన్ని భరిస్తున్న ఏపీ ప్రజలకు చేతులెత్తి మొక్కుతున్నా...
చంద్రబాబు ఇష్టమొచ్చినట్లూ పేలుతున్నాడని కేసీఆర్ విమర్శించారు. రాష్ట్రం విడిపోయి ఐదేళ్లు అవుతున్నా హైకోర్టు కట్టుకోలేని దద్దమ్మ చంద్రబాబు అని విమర్శించారు. మెడకాయ మీద తలకాయ ఉన్న ఏ ముఖ్యమంత్రి అయినా ప్రజలకు ఇబ్బంది కలగకుండా సొంత రాష్ట్రంలో వెంటనే హైకోర్టు కట్టుకునే వారన్నారు. కానీ ఐదేళ్లు గడుస్తున్నా హైకోర్టు భవనం నిర్మించడం చేతగాక అవాకులు చెవాకులు పేల్చితే అర్థముందా అని ప్రశ్నించారు. అసలు చంద్రబాబుకు మెదడు ఉందా అని నిలదీశారు. ఏది మాట్లాడితే అది చెల్లుతుందని చంద్రబాబు […]
చంద్రబాబు ఇష్టమొచ్చినట్లూ పేలుతున్నాడని కేసీఆర్ విమర్శించారు. రాష్ట్రం విడిపోయి ఐదేళ్లు అవుతున్నా హైకోర్టు కట్టుకోలేని దద్దమ్మ చంద్రబాబు అని విమర్శించారు. మెడకాయ మీద తలకాయ ఉన్న ఏ ముఖ్యమంత్రి అయినా ప్రజలకు ఇబ్బంది కలగకుండా సొంత రాష్ట్రంలో వెంటనే హైకోర్టు కట్టుకునే వారన్నారు. కానీ ఐదేళ్లు గడుస్తున్నా హైకోర్టు భవనం నిర్మించడం చేతగాక అవాకులు చెవాకులు పేల్చితే అర్థముందా అని ప్రశ్నించారు.
అసలు చంద్రబాబుకు మెదడు ఉందా అని నిలదీశారు. ఏది మాట్లాడితే అది చెల్లుతుందని చంద్రబాబు అనుకుంటారని… ఆయన మాటకు రెండు పత్రికలు డబ్బా కొడుతుంటాయన్నారు. చంద్రబాబు, మీడియా కథ రోజూ ఒక పెద్ద డ్రామాగా తయారైందన్నారు. చంద్రబాబే డిసెంబర్ 15నాటికి హైకోర్టు భవనం సిద్ధంగా ఉంటుందని సుప్రీం కోర్టులో అఫిడవిట్‌ దాఖలు చేశారన్నారు.
దాని వల్లే సుప్రీం కోర్టు ఏపీలో ప్రత్యేక హైకోర్టుకు ఆదేశాలు జారీ చేసిందన్నారు. తాము ఒక దశలో ఏపీలో భవనాలు లేవు కాబట్టి ఏపీ హైకోర్టుకు హైదరాబాద్‌లోనే భవనం ఇస్తామని చెప్పామన్నారు. కానీ చంద్రబాబే అందుకు ఒప్పుకోలేదన్నారు. భవనాలు సిద్ధంగా లేనప్పుడు సుప్రీం కోర్టులో డిసెంబర్ నాటికి వెళ్లిపోతామని ఎందుకు అఫిడవిట్‌ వేశారని ప్రశ్నించారు. చంద్రబాబు లాంటి డర్టీ పొలిటిషియన్ దేశంలోనే ఎవరూ లేరన్నారు.
నాలుగేళ్లు మోడీ సంకనాకిన చంద్రబాబు ఇప్పుడు తాను నవీన్ పట్నాయక్‌ను కలిస్తే దానికి అభ్యంతరం చెప్పడం ఏమిటని ప్రశ్నించారు. ఈ డర్టీ చంద్రబాబును భరిస్తున్న ఏపీ ప్రజలకు చేతులెత్తి మొక్కాలన్నారు కేసీఆర్. హోదా వస్తే ఏమొస్తుందని తొలుత వాదించిన వ్యక్తి చంద్రబాబే కదా అని గుర్తు చేశారు.
గతంలో రాహుల్ గాంధీ ఏపికొస్తుంటే ఏ ముఖం పెట్టుకుని వస్తారని ప్రశ్నించిన చంద్రబాబు… ఇప్పుడు రాహుల్ వైపు చేరి ఏముఖం పెట్టుకుని మోడీ వస్తున్నారని ప్రశ్నిస్తున్నారని ఎద్దేవా చేశారు. ముఖ్యమంత్రిగా కాకపోయినా ఒక్క మనిషిగానైనా చంద్రబాబు మాట్లాడుతున్నారా అని ప్రశ్నించారు.
చంద్రబాబు మోసాలతో నగిలిపోతున్న ఏపీ ప్రజలను చూస్తుంటే జాలేస్తోందన్నారు. చంద్రబాబు ఒక పెద్ద దద్దమ్మలా తయారయ్యాడని కేసీఆర్ విరుచుకుపడ్డారు. ఒక భవనానికి పునాది వేసినా పత్రికల్లో పెద్దపెద్ద ప్రకటనలు వేయించుకుంటున్న చంద్రబాబు లాంటి వ్యక్తి దేశంలో ఎక్కడా ఉండరన్నారు.
చంద్రబాబు లీడర్‌ కాదని… ఒక మేనేజర్‌ అని మండిపడ్డారు. హరికృష్ణ శవం మీద పేలాలు ఏరుకునేందుకు ప్రయత్నించిన వ్యక్తి చంద్రబాబు అని విమర్శించారు.
నందమూరి సుహాసిని ఓడిపోయింది కాబట్టి ఇప్పుడు ఏమైనా న్యాయం చేస్తారా? అని చంద్రబాబును ప్రశ్నించారు కేసీఆర్. చంద్రబాబులాంటి దిగజారుడు రాజకీయం ప్రజలకు ఏమాత్రం మంచిది కాదన్నారు.
