జయలలిత బయోపిక్ లో నటిస్తున్న సాయి పల్లవి?

ప్రస్తుతం ఏ ఇండస్ట్రీ చూసినా….. బయోపిక్స్ ని రూపొందించడంలో బిజీగా ఉన్నాయి. ఈ ఏడాది దాదాపు ప్రతి ఇండస్ట్రీ లో బయోపిక్స్ రిలీజ్ అయ్యి మంచి బజ్ ని క్రియేట్ చేసి హిట్స్ గా నిలిచాయి.

ఇక ఇప్పుడు తమిళనాడు ముఖ్యమంత్రి జయలలిత బయోపిక్ కూడా వస్తోంది. “ది ఐరన్ లేడీ” అనే టైటిల్ తో రూపొందిస్తున్న ఈ సినిమాలో జయలలిత పాత్రలో నిత్యా మీనన్ నటిస్తోంది. మరొక దర్శకుడు రూపొందిస్తున్న బయోపిక్ లో రమ్యకృష్ణ జయలలిత గా నటిస్తోంది. ఇక తమిళ డైరెక్టర్ విజయ్ దర్శకత్వం లో రూపొందబోతున్న బయోపిక్ లో జయలలిత పాత్రలో విద్యా బాలన్ కనిపించబోతోంది.

ఇక తాజా సమాచారం ప్రకారం “ది ఐరన్ లేడీ” సినిమా లో జయలలిత ఫ్రెండ్ శశికళ రోల్ లో సాయి పల్లవి నటిస్తోందనే వార్త ఇప్పుడు చెక్కర్లు కొడుతోంది. జయలలిత లైఫ్ లో శశికళ పాత్ర చాలా కీలకం. జయలలిత తన జీవితం లో అందరి కంటే ఎక్కువ శశికళనే నమ్మింది. మరి అలాంటి పాత్రని సినిమాలో ఏ విధంగా చూపిస్తారో చూడాలి. ఈ విషయం పై అధికారిక ప్రకటన ఇంకా వెలువడాల్సి ఉంది.