తమన్నకు బర్త్ డే గిఫ్ట్

ఈరోజు తన పుట్టినరోజును గ్రాండ్ గా సెలబ్రేట్ చేసుకుంటోంది తమన్న. 28 ఏళ్లు పూర్తి చేసుకొని, 29వ ఏట అడుగుపెట్టింది. ఈ సందర్భంగా సైరా టీమ్ తమన్నాకు అదిరిపోయే బర్త్ డే గిఫ్ట్ అందించింది. సైరా సినిమాలో తమన్న క్యారెక్టర్ తో పాటు.. ఆమె ఫస్ట్ లుక్ ను విడుదల చేసింది.

సైరాలో లక్ష్మి అనే పాత్రలో కనిపించబోతోంది తమన్న. ఆమె లుక్ కూడా 1940ల నాటి కాలాన్ని తలపిస్తోంది. ఈ సినిమాకు సంబంధించి ఇప్పటికే చిరంజీవి, నయనతార, అమితాబ్ లుక్స్ బయటకొచ్చాయి. తాజాగా తమన్న లుక్ ను కూడా విడుదల చేశారు.

ఈ సినిమాలో తమన్న రోల్ చాలా కీలకం అంటున్నారు మేకర్స్. కానీ సినిమాలో ఆమె కనిపించేది మాత్రం చాలా తక్కువ అని తెలుస్తోంది. అయితే బాహుబలి టైపులో ఇందులో కూడా తమన్నతో కొన్ని యుద్ధ సన్నివేశాలు ఉన్నాయట.

సురేందర్ రెడ్డి డైరక్ట్ చేస్తున్న ఈ సినిమాకు రామ్ చరణ్ నిర్మాత. కొణెదల ప్రొడక్షన్స్ బ్యానర్ పై తెరకెక్కుతున్న ఈ సినిమాకు అమిత్ ద్వివేది మ్యూజిక్ అందిస్తున్నాడు. సినిమాను వచ్చే ఏడాది వేసవి చివర్లో విడుదల చేస్తామని మేకర్స్ చెబుతున్నారు. కానీ దసరాకు వాయిదా పడే అవకాశాలున్నట్టు తెలుస్తోంది.

What a lovely wish, thank you! #SyeRaa https://t.co/YbVf6lJHtM

— Tamannaah Bhatia (@tamannaahspeaks) December 21, 2018