సెట్ లో ఏడ్చేసిన సాయి పల్లవి

తమిళ్ స్టార్ హీరో ధనుష్ హీరోగా 2015 లో వచ్చిన సినిమా “మారి”. ఈ సినిమా తమిళ్ లో మంచి మాస్ హిట్ గా నిలిచింది. ఇక ఈ సినిమాకి ఇప్పుడు సీక్వెల్ కూడా వస్తుంది.

“మారి 2” పేరుతో వస్తున్న ఈ సినిమాలో ధనుష్ కి జంటగా సాయి పల్లవి నటించింది. బాలాజీ మోహన్ డైరెక్ట్ చేసిన ఈ సినిమా డిసెంబర్ 21 న రిలీజ్ కాబోతుంది. అయితే ఈ సినిమా ప్రమోషన్స్ లో భాగంగా సాయి పల్లవికి సంబంధించిన ఒక ఇంట్రెస్టింగ్ విషయాన్ని దర్శకుడు చెప్పుకొచ్చాడు.

ఈ సినిమాలోని కొన్ని ఎమోషనల్ సీన్లలో సాయి పల్లవి నిజంగా ఏడ్చేసిందని…. అయితే షాట్ అయిపోయాక కూడా ఏడుస్తూనే వుంది అని సాయి పల్లవి నటన గురించి చెప్పుకొచ్చాడు దర్శకుడు.

సాయి పల్లవితో పాటు వరలక్ష్మి శరత్ కుమార్ కూడా ఈ సినిమాలో ఒక ముఖ్యపాత్రలో నటించింది. ఇదిలా ఉంటే తెలుగు లో సాయి పల్లవి శర్వానంద్ తో నటించిన “పడి పడి లేచే మనసు” కూడా డిసెంబర్ 21 నే రిలీజ్ కానుంది.