"ఓ బేబి.. ఎంత సక్కగున్నావే" అంటూ రాబోతున్న అక్కినేని సమంతా

అక్కినేని సమంతా ప్రస్తుతం నాగ చైతన్య తో కలిసి “మజిలి” సినిమాలో నటిస్తుంది. పెళ్లి తరువాత వీళ్ళిద్దరూ కలిసి నటిస్తున్న సినిమా కావడంతో ఈ సినిమా పై అందరిలోనూ భారీ అంచనాలు ఏర్పడ్డాయి. శివ నిర్వాణ డైరెక్ట్ చేస్తున్న ఈ సినిమా ప్రస్తుతం షూటింగ్ దశలో ఉంది. ఈ సినిమా షూటింగ్ పూర్తవ్వక ముందే నందిని రెడ్డి దర్శకత్వంలో ఒక సినిమా ఓకే చేసింది సమంతా. ఈ సినిమాలో సమంతా ముసలి అవ్వ పాత్రలో నటిస్తుంది. కొరియన్ సినిమా అయిన “మిస్ గ్రానీకి” రీమేక్ గా ఈ సినిమా తెరకెక్కుతుంది.

అయితే ఈ సినిమా కి “ఓ బేబి.. ఎంత సక్కగున్నావే” అనే టైటిల్ ని పెట్టారు అంట మూవీ యూనిట్. “రంగస్థలం” లో సూపర్ హిట్ అయిన పాట ఇది, ఈ టైటిల్ అయితేనే సినిమాకి క్యాచి గా ఉంటుంది అని భావించి నందిని రెడ్డి ఈ టైటిల్ ని పెట్టింది అంట. నాగ శౌర్య ముఖ్య పాత్రలో నటిస్తున్న ఈ సినిమాను సురేష్ ప్రొడక్షన్ పై సురేష్ బాబు అలాగే గురు ఫిలిమ్స్ పై సునీతా తాటి ఇద్దరు కలిసి సంయుక్తంగా ప్రొడ్యూస్ చేస్తున్నారు.