అసలు వ్యక్తులను తప్పించారు " ఏపీ సర్కార్‌పై సీబీఐ సంచలన ఆరోపణ
ఏపీలోకి సీబీఐ అడుగుపెట్టకుండా చంద్రబాబు విధించిన నిషేధం పలు విపరీత పరిణామాలకు దారి తీస్తోంది. సీబీఐపై బ్యాన్‌ విధించిన తర్వాత ఏపీకి, సీబీఐకి మధ్య తొలి వివాదం ఏర్పడింది. ఏపీ ప్రభుత్వంపై సీబీఐ అధికార ప్రతినిధి అభిషేక్ దయాళ్‌ సంచలన ఆరోపణలు చేశారు. ఈ వివాదానికి కేంద్ర ప్రభుత్వ ఉద్యోగిపై ఏసీబీ చేసిన దాడులు కారణమయ్యాయి. కేంద్ర పరోక్ష పన్నులు, కస్టమ్స్ శాఖకు చెందిన సెంట్రల్ జీఎస్టీ సూపరింటెండెంట్‌ ఎం. కె. రమణేశ్వర్‌ లంచం తీసుకుంటుండగా ఏసీబీ […]
ఏపీలోకి సీబీఐ అడుగుపెట్టకుండా చంద్రబాబు విధించిన నిషేధం పలు విపరీత పరిణామాలకు దారి తీస్తోంది. సీబీఐపై బ్యాన్‌ విధించిన తర్వాత ఏపీకి, సీబీఐకి మధ్య తొలి వివాదం ఏర్పడింది.
ఏపీ ప్రభుత్వంపై సీబీఐ అధికార ప్రతినిధి అభిషేక్ దయాళ్‌ సంచలన ఆరోపణలు చేశారు. ఈ వివాదానికి కేంద్ర ప్రభుత్వ ఉద్యోగిపై ఏసీబీ చేసిన దాడులు కారణమయ్యాయి.
కేంద్ర పరోక్ష పన్నులు, కస్టమ్స్ శాఖకు చెందిన సెంట్రల్ జీఎస్టీ సూపరింటెండెంట్‌ ఎం. కె. రమణేశ్వర్‌ లంచం తీసుకుంటుండగా ఏసీబీ అధికారులు పట్టుకున్నారు. ఇనుము వ్యాపారి లోకేష్‌ బాబు ఫిర్యాదు మేరకు వల పన్ని రమణేశ్వర్‌ను పట్టుకున్నామని ఏపీ ప్రభుత్వ పరిధిలోని ఏసీబీ ప్రకటించింది.
ఏసీబీ దాడిపై సీబీఐ తీవ్రంగా స్పందించింది. సీబీఐ అందజేసిన కీలక సమాచారాన్ని ఏపీ ప్రభుత్వం లీక్ చేసిందని సీబీఐ అధికార ప్రతినిధి ఆరోపించారు. ఏపీ ప్రభుత్వ వ్యవహార శైలి వల్ల కేసులో కీలక వ్యక్తులు తప్పించుకున్నారని… కేవలం ఒక వ్యక్తి మాత్రమే ఏసీబీకి దొరికారని సీబీఐ వెల్లడించింది.
