మహేష్ బాబును ఫాలో అవుతున్న అల్లుఅర్జున్

సూపర్ స్టార్ మహేష్ బాబు తెలుగు లో వరుస సినిమాలతో బిజీగా ఉన్న సంగతి అందరికి తెలిసిందే. కానీ సినిమాల్లో ఎంత బిజీగా ఉన్నా కూడా బిజినెస్ రంగం వైపు అడుగులు వేసాడు మహేష్ బాబు. ఏషియన్ ఫిలిమ్స్ వాళ్లతో కలిసి మల్టీప్లెక్స్ థియేటర్ లను హైదరాబాద్ లో నిర్మించాడు.

ఇప్పటికే ఏఎంబి సినిమాస్ గా నామకరణం చేసుకున్న ఇవి ప్రారంభం కావాల్సి ఉండగా కాస్త ఆలస్యంగా డిసెంబర్ 2 నుండి ప్రారంభం కానున్నాయట. మహేష్ మల్టీప్లెక్స్ స్టార్ట్ కాకుండానే ఆ మల్టీప్లెక్స్ లకు బ్రహ్మాండమైన క్రేజ్ వచ్చింది.

అయితే ఇప్పుడు మహేష్ బాబు లాగే అల్లు అర్జున్ కూడా మల్టీప్లెక్స్ రంగంలో పెట్టుబడులు పెట్టడానికి సిద్దమయ్యాడు. అదికూడా ఏషియన్ వాళ్ళతోనే కలిసి అంట. అమీర్ పేటలోని సత్యం థియేటర్ చాలా ఫేమస్ కాగా ఆ చోట అల్లు అర్జున్ – ఏషియన్ A A A అనే పేరుతో మల్టీప్లెక్స్ కు శ్రీకారం చుట్టారట.

ప్రస్తుతం ఈ మల్టీప్లెక్స్ కి సంబంధించిన పనులు కూడా జరుగుతున్నాయట. మొత్తానికి టాలీవుడ్ కి చెందిన ఇద్దరు స్టార్ హీరోలు మల్టీప్లెక్స్ బిజినెస్ లోకి దిగారు.