విజయ్ ని చూసి స్టార్స్ భయపడుతున్నారా?

ఏదైనా మార్కెట్ చేయాలంటే టార్గెట్ ఆడియన్స్ బలంగా ఉండాలి. అలాంటప్పుడే ఏదైనా సూపర్ గా వర్కవుట్ అవుతుంది. ఈ సూత్రాన్ని అణువణువునా పట్టేశాడు కుర్రహీరో విజయ్ దేవరకొండ. సినిమా మొదలుపెట్టిన దగ్గర నుంచి దాన్ని ప్రమోట్ చేసేవరకు అన్నిచోట్లా విజయ్ మార్క్ కన్పిస్తుంది.

ఇక ఆడియో ఫంక్షన్లో అయితే విజయ్ చెలరేగిపోతాడు. కుర్రాళ్లకు కిక్కిచ్చే మాటలతో అద్దరగొట్టేస్తాడు. రీసెంట్ గా వచ్చిన గీతగోవిందం సినిమాతో సూపర్ హిట్ కొట్టిన విజయ్ ని చూస్తే ఇప్పుడు టాలీవుడ్ స్టార్ హీరోలు భయపడిపోతున్నారు. అతని సినిమా రిలీజ్ డేట్స్ చూసుకుని మరి తమ సినిమాల్ని ప్లాన్ చేసుకుంటున్నారు.

గీత గోవిందం తర్వాత విజయ్ నటించిన నోటా సినిమా ఫ్లాప్ అయ్యింది. అయినా కూడా మనోడి క్రేజ్ కి వచ్చిన డోకా ఏం లేదు. ఇప్పుడు రిలీజైన ట్యాక్సీవాలాకి హిట్ టాక్ రావడంతో విజయ్ క్రేజ్ డబుల్ అవ్వడం ఖాయం.

అందుకే విజయ్ క్రేజ్ గురించి బాగా తెలిసిన రవితేజ తన అమర్ అక్బర్ ఆంటోని సినిమాను విజయ్ కంటే ఒకరోజు ముందే రిలీజ్ చేశాడు. రవితేజ సినిమాకు బ్యాడ్ టాక్ రావడంతో.. ఇక ట్యాక్సీవాలా టాప్ గేర్ లోకి వచ్చేయడం ఖాయం. అందుకే స్టార్ హీరోలు తమ సినిమాలకు పోటీగా విజయ్ మూవీస్ ను కూడా లెక్కలోకి తీసుకుంటున్నారు.