బాలీవుడ్ దర్శకుడితో విజయ్ దేవరకొండ

లేటెస్ట్ సెన్సేషన్ అయిన విజయ్ దేవరకొండ ప్రస్తుతం తన తదుపరి సినిమా అయిన “టాక్సీ వాలా” రిలీజ్ పనుల్లో బిజీగా ఉన్నాడు. ఈ సినిమా నవంబర్ 17 న రిలీజ్ కానుంది. ఈ సినిమా రిలీజ్ అయిన వెంటనే మళ్ళి విజయ్ దేవరకొండ తన తదుపరి సినిమాల షూటింగ్స్ తో బిజీ అయిపోతాడు.

అయితే ఇప్పుడు విజయ్ దేవరకొండ ఒక హిందీ సినిమా చేయనున్నాడు అని టాక్. కానీ అది కూడా తెలుగు నిర్మాతలతో కలిసి. మైత్రి మూవీ మేకర్స్ వాళ్ళు బాలీవుడ్ లో ఒక సినిమా చెయ్యమని ఒక హిందీ డైరెక్టర్ కి అడ్వాన్సు ఇచ్చారట. ఈ సినిమాలో విజయ్ దేవరకొండ హీరోగా నటించనున్నాడు. అయితే ఈ సినిమాని ఒక్క బాషలో తెరకెక్కించి డబ్ చెయ్యకుండా మొత్తం మూడు బాషల్లో తెరకేక్కించాలి అని డిసైడ్ అయ్యారట మైత్రి మూవీ మేకర్స్ వాళ్ళు. ఇదిలా ఉంటే ఆ హిందీ ద‌ర్శ‌కుడు మైత్రీ మూవీస్ ఆఫీసులోనే సినిమాకి సంబంధించిన ప‌నుల్ని కూడా మొద‌లెట్టేశాడ‌ని తెలుస్తోంది. ప్రస్తుతం మైత్రి వాళ్ళు విజయ్ దేవరకొండతో “డియర్ కామ్రేడ్” అనే సినిమాని తెరకెక్కిస్తున్నారు.