ఎన్టీఆర్ బయోపిక్.. మరో ఫస్ట్ లుక్

ఎన్టీఆర్ బయోపిక్స్ కు సంబంధించి దాదాపు అన్ని ఫస్ట్ లుక్స్ వచ్చేశాయి. గ్రాండ్ గా విడుదల చేద్దామనుకున్న బసవతారకం ఫస్ట్ లుక్ ను కూడా విద్యాబాలన్ లీక్ చేసి పడేసింది. ఇక సినిమాకు సంబంధించి ఇంపార్టెంట్ ఫస్ట్ లుక్స్ ఏమీ లేవని ఆడియన్స్ అంతా ఫిక్స్ అయిపోయారు. సరిగ్గా ఇప్పుడే తన మేజిక్ చూపించాడు క్రిష్. తమన్న లుక్ వస్తోందంటూ ఊరిస్తున్నాడు.

ఎన్టీఆర్ బయోపిక్ లో రకుల్ తో పాటు తమన్న కూడా ఉంది. శ్రీదేవిగా రకుల్ కనిపిస్తే, జయప్రదగా తమన్న కనిపించనుంది. జయప్రద గెటప్ లో ఉన్న తమన్న లుక్ రెడీ అయింది. రేపోమాపో ఈ లుక్ విడుదల కాబోతోంది.

ఎన్టీఆర్ బయోపిక్ కు సంబంధించి ఇప్పటివరకు వచ్చిన ఫస్ట్ లుక్స్ అన్నింటికీ మంచి రెస్పాన్స్ వచ్చింది. కానీ శ్రీదేవి లుక్ లో రకుల్ కు మాత్రం ఆశించిన స్థాయిలో స్పందన రాలేదు. ఇప్పుడు జయప్రద గెటప్ లో తమన్న లుక్ ను విడుదల చేయడానికి యూనిట్ రెడీ అవుతోంది. కనీసం ఈ లుక్ అయినా క్లిక్ అయితే, హీరోయిన్ల విషయంలో క్రిష్ కాస్త విజయం సాధించినట్టవుతుంది. లేకపోతే ఎన్టీఆర్ బయోపిక్ కు ఇదే పెద్ద వెలితిగా మారబోతుంది.