మరో మెగా ఫ్యామిలీ హీరో వచ్చేస్తున్నాడు

మెగా ఫ్యామిలీ నుంచి హీరోలుగా వచ్చిన వాళ్ళందరూ ఇప్పుడు ఇండస్ట్రీ లో మంచి ప్లేస్ లో ఉన్నారు. ఇప్పుడు మెగా ఫ్యామిలీ నుంచి మరో హీరో తెలుగు ఇండస్ట్రీ కి రాబోతున్నాడు. ఆ హీరో మరెవరో కాదు సుప్రీమ్ హీరో సాయి ధరం తేజ్ తమ్ముడు పంజా వైష్ణవ్ తేజ్. మైత్రి మూవీ మేకర్స్ వారు వైష్ణవ్ తేజ్ తోలి సినిమాని ప్రొడ్యూస్ చేయనున్నారు. దర్శకుడు సుకుమార్ కూడా ఈ సినిమా నిర్మాణంలో భాగమే.

ఈ సినిమాకు బుచ్చిబాబు సానా దర్శకత్వం వహించనున్నాడు. బుచ్చిబాబు సానా ఇది వరకు సుకుమార్‌ దగ్గర దర్శకత్వశాఖలో పనిచేశాడు. ఇటివలే రిలీజ్ అయ్యి బ్లాక్ బస్టర్ గా నిలిచినా “రంగస్థలం” చిత్రానికి రైట‌ర్‌గా కూడా పనిచేశాడు బుచ్చి బాబు. ఈ నూత‌న చిత్రానికి ప‌నిచేసే ఆర్టిస్టులు, టెక్నీషియన్ల పేర్లను త్వరలోనే వెల్లడించనున్నారు. దేవిశ్రీ ప్ర‌సాద్ ఈ సినిమాకి సంగీతాన్ని అందిస్తున్నాడు.

ఇదిలా ఉంటే సాయి ధరం తేజ్ ఇండస్ట్రీ కి రావడానికి పవర్ స్టార్ పవన్ కళ్యాణ్ చాలా సప్పోర్ట్ చేసాడు… అలాగే ఇప్పుడు వైష్ణవ్ తేజ్ హీరోగా రావడానికి కూడా పవన్ కళ్యాణ్ సలహాలు తీసుకుంటున్నాడు అని తెలిసింది.