అదిరిపోయిన యాక్షన్ షేడ్స్ " సాహో వీడియో 

గత ఏడాదికి పైగా తమ హీరో కొత్త సినిమా తాలూకు ఎలాంటి అప్ డేట్స్ లేక తీవ్ర అసంతృప్తితో ఉన్న అభిమానులకు ఊరట కలిగేలా యువి సంస్థ సాహో మేకింగ్ వీడియోని ప్రభాస్ పుట్టిన రోజు సందర్భంగా ఈ రోజు విడుదల చేసింది. పోయిన సంవత్సరం ఇదే రోజు ఫస్ట్ లుక్ పోస్టర్ పేరుతో మొహం చూపించకుండా ప్రమోషన్ చేసారు. దాని తర్వాత మళ్ళీ అఫీషియల్ అప్ డేట్ ఇదే అని చెప్పొచ్చు.

ఇక వీడియో విషయానికి వస్తే దుబాయ్ లో నెల రోజుల పాటు కోట్ల రూపాయల వ్యయంతో భారీ ఎత్తున తీసిన యాక్షన్ ఎపిసోడ్స్ తాలూకు వీడియో బైట్స్ ని ఇందులో చూపించారు. ట్రక్కులు నాశనం కావడం, వందలాది కార్లు ఛేజ్ లో పాల్గొనడం, హీరోయిన్ శ్రద్ధా కపూర్ ప్రాణాలకు తెగించి షూట్ చేసుకుంటూ రిస్కీ ఫైట్స్ లో పాల్గొనడం చూస్తే సాహో ఊహించిన దాని కన్నా చాలా పెద్ద యాక్షన్ మూవీ అయ్యేలా ఉంది.

వీడియోలో ఒళ్ళు గగుర్పొడిచేలా ఉండే యాక్షన్ సీన్లైతే చాలా ఉన్నాయి. సీజే చేయని వర్క్ ఇలా ఉంటే ఇక ఫైనల్ అవుట్ ఫుట్ ఏ రేంజ్ లో ఉంటుందో అని ఫ్యాన్స్ అప్పుడే అంచనాలు పెంచేసుకుంటున్నారు. ఇవన్నీ ఒక ఎత్తు అయితే బర్త్ డే బాయ్ ప్రభాస్ వీడియో చివరిలో స్టైలిష్ గా నడుచుకుంటూ వస్తుంటే అభిమానుల ఆనందం గురించి చెప్పేదేముంది.

నాలుగేళ్లకు పైగా మహేంద్ర, అమరేంద్ర గెటప్స్ లో డార్లింగ్ ని చూసి మొహం మొత్తేసిన ఫ్యాన్స్ కు ఇది ఫుల్ ట్రీట్ లాగా ఉంది. చాప్టర్ వన్ అని పేరు పెట్టారు కాబట్టి ముందు ముందు ఇంకా ఇలాంటి ఉత్సాహపరిచే వీడియోలు చాలా వస్తాయన్న మాట. అయితే సినిమా విడుదల గురించి మాత్రం ఆ ఒక్కట్టీ అడక్కండి అంటున్నారు నిర్మాతలు.