కత్తిపట్టిన ఎన్టీఆర్ కొడుకు

ఈ ప్రాంతంలో కత్తిపట్టాలన్నా మేమే. మీసం తిప్పాలన్నా మేమే. ఇది సినిమా డైలాగే. మరీ ముఖ్యంగా నందమూరి హీరోల డైలాగ్స్ ఇవి. ఎన్టీఆర్ కొడుకు అభయ్ ను చూస్తూ ఇప్పుడు ఇవే డైలాగ్స్ ను రిపీట్ చేస్తున్నారు నందమూరి అభిమానులు. దీనికి కారణం అభయ్ కూడా కత్తిపట్టడమే.

అవును.. అరవింద సమేత షూటింగ్ టైమ్ లో అభయ్ రామ్ కూడా కత్తిపట్టాడు. సినిమాలో ఓ కత్తితో ఎన్టీఆర్ ఫైట్ చేసే సన్నివేశం ఉంది. ట్రయిలర్ లో కూడా ఆ సీన్ ఉంది. సరిగ్గా ఆ సన్నివేశం తెరకెక్కిస్తున్న టైమ్ లో సెట్స్ లో అభయ్ కూడా ఉన్నాడు. త్రివిక్రమ్ ఒళ్లో కూర్చున్న అభయ్.. అనుకోకుండా కత్తిపట్టుకున్నాడు. ఆ స్టిల్ ఇప్పుడు వైరల్ గా మారింది. పక్కనే రామ్ లక్ష్మణ్ మాస్టర్స్ కూడా ఉన్నారు.

మరోవైపు అరవింద సమేతకు సంబంధించి కౌంట్ డౌన్ స్టార్ట్ అయింది. మరో 6 రోజుల్లో ఈ సినిమా థియేటర్లలోకి రాబోతోంది. ఈ మూవీపై త్రివిక్రమ్ చాలా హోప్స్ పెట్టుకున్నాడు. అజ్ఞాతవాసితో అట్టర్ ఫ్లాప్ అందుకున్న ఈ దర్శకుడు.. అరవింద సమేత చిత్రంతో తిరిగి ట్రాక్ పైకి రావాలనుకుంటున్నాడు.