మహేశ్ బాబు సినిమా కోసం భారీ పల్లెటూరి సెట్

సూపర్ స్టార్ మహేష్ బాబు ప్రస్తుతం వంశీ పైడిపల్లి దర్శకత్వంలో “మహర్షి” అనే సినిమా చేస్తున్న సంగతి అందరికి తెలిసిందే. ప్రస్తుతం ఈ సినిమా యొక్క షూటింగ్ హైదరబాద్ లో జరుగుతుంది. అమెరికా షెడ్యూల్ తరువాత హైదరాబాద్ రామోజీ ఫిలిం సిటీలో ఒక షెడ్యూల్ ప్లాన్ చేసారట యూనిట్ సభ్యులు.

ఇక హైదరాబాద్ లో చేయబోయే షూటింగ్ కోసం ఒక పల్లెటూరి సెట్ ని వేయబోతున్నారట మూవీ యూనిట్. దీనికి సంబంధించిన పనులు ఇప్పటికే మొదలవ్వడం మహేష్ & కో అమెరికా షెడ్యూల్ పూర్తయ్యే సమయానికి ఈ భారీ సెట్ ని పూర్తి చేసేందుకు రంగం సిద్ధం చేశారు యూనిట్.

భారీ బడ్జెట్ తో వేస్తున్న ఈ సెట్ లో దాదాపు 20 రోజుల పాటు షూటింగ్ ఉంటుందట. ఈ సినిమాతో ఎలాగైనా హిట్టు కొట్టాలి అనే కసితో వంశీ పైడిపల్లి ఉన్నాడు. దిల్ రాజు ఇంకా అశ్విని దత్ కలిసి నిర్మిస్తున్న ఈ సినిమాలో పూజ హెగ్డే హీరోయిన్ గా నటిస్తుంది. వచ్చే ఏడాది ఉగాది సంధర్బంగా ఈ సినిమా ధియేటర్స్ లో సందడి చేయనుంది.