అరవింద సమేత హంగామా మొదలు

ఎన్టీఆర్, పూజా హెగ్డే హీరోహీరోయిన్లుగా నటిస్తున్న అరవింద సమేత సినిమా హంగామా ఇవాళ్టి నుంచి మొదలైంది. ఈ సినిమా నుంచి ఫస్ట్ సింగిల్ ను తాజాగా విడుదల చేశారు. అనగనగనగా అనే లిరిక్స్ తో సాగే ఈ పాటకు తమన్ సంగీతం అందిస్తే, సిరివెన్నెల సీతారామశాస్త్రి సాహిత్యం సమకూర్చారు.

ఈ లిరికల్ వీడియోకు ఓ ప్రత్యేకత ఉంది. సాధారణంగా బ్యాక్ గ్రౌండ్ లో సాంగ్ పెట్టి, పైన ఫొటోలు పెట్టి లిరికల్ వీడియో రిలీజ్ చేశారు. కానీ అరవింద సమేత ఫస్ట్ లిరికల్ వీడియోలో మాత్రం ఏకంగా ఓ చిన్న వీడియో క్లిప్ చూపించి సాంగ్ స్టార్ట్ చేశారు. నందమూరి అభిమానులకు ఇది బోనస్ అన్నమాట.

అరవింద సమేత ప్రస్తుతం షూటింగ్ మోడ్ లో ఉంది. నెలాఖరుకు ఈ సినిమా షూటింగ్ మొత్తం కంప్లీట్ చేయాలని టార్గెట్ గా పెట్టుకున్నారు. మరోవైపు మరో సాంగ్ విడుదల చేసి, తర్వాత టోటల్ ఆడియో సాంగ్స్ అన్నింటినీ ఒకేసారి 20వ తేదీన విడుదల చేయబోతున్నారు. దసరా ఎట్రాక్షన్ గా అరవింద సమేతను విడుదల చేయబోతున్నారు.