ఒకేసారి రెండేసి సినిమాలు...

ఇది నాగచైతన్య స్టయిల్. ఒకేసారి రెండేసి సినిమాలు కంప్లీట్ చేయడం నాగచైతన్యకు ఇష్టం. ఇప్పటికే సాహసం శ్వాసగా సాగిపో, ప్రేమమ్ సినిమాల్ని రెడీ చేశాడు నాగచైతన్య. ఈ రెండింట్లో దసరా కానుకగా ప్రేమమ్ విడుదలకానుంది. ఇంకో సినిమా కాస్త గ్యాప్ తర్వాత విడుదల కాబోతోంది. ఇదిలా ఉండగా ఇప్పుడు మరో రెండు సినిమాల్ని లైన్లో పెట్టాడు చైతూ. కల్యాణ్ కృష్ణ దర్శకత్వంలో నటించేందుకు ఇప్పటికే ఓకే చెప్పిన చైతూ… ఆ వెంటనే ఇంద్రగంటి మోహనకృష్ణ దర్శకత్వంలో కూడా నటించడానికి ఒప్పుకున్నాడు. మొదట కల్యాణ్ కృష్ణ సినిమా, ఆ తర్వాత మినిమం గ్యాప్ లో ఇంద్రగంటి సినిమా రెండూ ప్రారంభమౌతాయి. ఈ రెండూ మినిమం గ్యాప్ లోనే థియేటర్లలోకి కూడా రాబోతున్నాయి. జెంటిల్ మన్ సినిమాతో మరోసారి లైమ్ లైట్ లోకి వచ్చాడు ఇంద్రగంటి. నాని-అవసరాల శ్రీనివాస్ ప్రధాన పాత్రలు పోషించిన ఈ సినిమా సూపర్ హిట్ అయింది. నానికి హ్యాట్రిక్ విజయాన్ని అందించడంతో పాటు ఇంద్రగంటి కెరీర్ కు ఆక్సిజన్ అందించింది. దీంతో నాగచైతన్య పిలిచి మరీ ఇంద్రగంటికి అవకాశం ఇచ్చాడు. మరో డిఫరెంట్ సబ్జెక్ట్ తో నాగచైతన్య హీరోగా ఇంద్రగంటి సినిమా షురూ కానుంది. దీనికి సంబంధించి మరిన్ని డీటెయిల్స్ త్వరలోనే బయటకు రాబోతున్నాయి.