అవును... మహేష్ తో సినిమా చేస్తున్నా...

బ్లాక్ బస్టర్ కాంబినేషన్ మరోసారి రిపీట్ కాబోతోంది. ఇన్నాళ్లూ ప్రచారంగానే ఉన్న వార్త ఈసారి పక్కా అయింది. మహేష్ బాబుతో తను సినిమా చేయబోతున్నట్టు సూపర్ హిట్ దర్శకుడు కొరటాల శివ ప్రకటించాడు. ప్రస్తుతం మహేష్ బాబు, మురుగదాస్ దర్శకత్వంలో సినిమా చేస్తున్నాడు. ఈ సినిమా కంప్లీట్ అయిన వెంటనే కొరటాల శివ మూవీ ప్రారంభం అవుతుంది. ఈ గ్యాప్ లో కాస్త విశ్రాంతి తీసుకొని, మహేష్ కోసం మరో మంచి కథ రాసుకోవాలనే ఆలోచనలో ఉన్నాడు కొరటాల శివ.

గతంలో కొరటాల-మహేష్ కాంబినేషన్ లో శ్రీమంతుడు సినిమా వచ్చింది. బాహుబలి వచ్చిన వారం రోజులకే విడుదలైన ఈ సినిమా.. ఆ మూవీ మేనియాను సక్సెస్ ఫుల్ గా అడ్డుకోగలిగింది. ప్రతి థియేటర్లో కాసుల వర్షం కురిపించింది. సినిమా సూపర్ డూపర్ హిట్ గా నిలిచింది. అందుకే మరోసారి మహేష్-కొరటాల కాంబినేషన్ అనగానే అందరికీ శ్రీమంతుడు గుర్తొచ్చాడు. ప్రస్తుతం జనతా గ్యారేజ్ ప్రమోషన్ వర్క్ లో కొరటాల బిజీగా ఉన్నాడు. ఆ ప్రచార కార్యక్రమంలో భాగంగానే ఈ బ్రేకింగ్ న్యూస్ బయటపెట్టాడు.