మరోసారి హిట్ పై కన్నేసిన సూర్య
సింగం ప్రాజెక్టుపై భారీ స్థాయిలో అంచనాలు పెట్టుకున్నాడు సూర్య. మొదటి భాగం యముడు హిట్ అవ్వడం, రెండో భాగం సింగం-2 కూడా హిట్ అవ్వడంతో… ఈసారి సింగం-3తో మరో హిట్ అందుకోవాలని ఆశపడుతున్నాడు. నిజానికి సౌత్ లో ఏ సినిమా సీక్వెల్ హిట్ అయిన దాఖలాలు లేవు. అలాంటిది సింగం సినిమా ఆ నెగెటివ్ సెంటిమెంట్ ను తుడిచిపెట్టేసింది. అందుకే సూర్య ఇప్పుడు సింగం సీక్వెల్ పై మరింత నమ్మకంతో ఉన్నాడు. టోటల్ కాల్షీట్లన్నీ ఈ సినిమాకే […]
సింగం ప్రాజెక్టుపై భారీ స్థాయిలో అంచనాలు పెట్టుకున్నాడు సూర్య. మొదటి భాగం యముడు హిట్ అవ్వడం, రెండో భాగం సింగం-2 కూడా హిట్ అవ్వడంతో… ఈసారి సింగం-3తో మరో హిట్ అందుకోవాలని ఆశపడుతున్నాడు. నిజానికి సౌత్ లో ఏ సినిమా సీక్వెల్ హిట్ అయిన దాఖలాలు లేవు. అలాంటిది సింగం సినిమా ఆ నెగెటివ్ సెంటిమెంట్ ను తుడిచిపెట్టేసింది. అందుకే సూర్య ఇప్పుడు సింగం సీక్వెల్ పై మరింత నమ్మకంతో ఉన్నాడు. టోటల్ కాల్షీట్లన్నీ ఈ సినిమాకే కేటాయించాడు. దీపావళి కానుకగా విడుదల కానున్న ఈ సినిమాకు సంబంధించిన కొత్త షెడ్యూల్ ఈనెల 26 నుంచి మలేషియాలో మొదలుకానుంది. ఈ మేరకు యూనిట్ సభ్యులంతా ప్రిపేర్ అయిపోయారు. సింగం-3కు సంబంధించి చెన్నై, విశాఖలో భారీ షెడ్యూల్స్ జరిగాయి. సినిమాకు సంబంధించిన కీలకమైన సన్నివేశాలన్నీ అక్కడే తీశారు. ఇప్పుడు మలేషియాలో మరో కీలక షెడ్యూల్ ను ప్రారంభించబోతున్నారు. ఈ షెడ్యూల్ తో సినిమాకు సంబంధించిన కీలకమైన సన్నివేశాల చిత్రీకరణ పూర్తయిపోతుంది. స్టూడియో గ్రీన్ సంస్థతో కలిసి సూర్య సంయుక్తంగా నిర్మిస్తోన్న ఈ సినిమాలో అనుష్క, శృతి హాసన్‌లు హీరోయిన్లుగా నటిస్తున్నారు. ఈ సింగం సిరీస్‌లో గత రెండు సినిమాలకు దర్శకత్వం వహించిన హరి, మూడో సినిమాకూ దర్శకత్వం వహిస్తున్నాడు.
Also Read
