మ‌హారాజాని నిర్భందించారు... ఆపై ముగ్గురు తోబుట్టువులు  ప్రాణాలు తీసుకున్నారు!

ఒడిషా గ‌జ‌ప‌తి రాజ‌వంశానికి మేనేజ‌ర్‌గా ప‌నిచేసిన అనంగ్ మంజ‌రి పాత్ర… ఆమె సోద‌రి, సోద‌రుడితో క‌లిసి ఆత్మ‌హ‌త్య చేసుకున్నారు. గ‌జ‌ప‌తి జిల్లా, పర్లాఖెమండిలోని త‌మ ఇంట్లో ఆదివారం నాడు వారు ఈ దారుణానికి పాల్ప‌డ్డారు. అనంగ్ మంజ‌రి పాత్ర‌ ప‌ర్లాఖెమండి ప్యాల‌స్‌కి మేనేజ‌ర్‌గా ప‌నిచేసి ఉన్నారు. కాగా ఆమె సోద‌రుడు సంజ‌య్ పాత్ర మ‌హారాజ్ గోపీనాథ్ గ‌జ‌ప‌తి నారాయ‌ణ్ దేవ్‌కి ప‌ర్స‌న‌ల్ అసిస్టెంట్‌గా ప‌నిచేశారు. వీరితో పాటు వీరి సోద‌రి బిజ‌య‌ల‌క్ష్మి పాత్ర సైతం ఆత్మహ‌త్య‌కు పాల్ప‌డ్డారు. వీరి మ‌రొక సోద‌రుడు సంతోష్ పాత్ర అలియాస్ తుళు సైతం ఆత్మ‌హ‌త్య‌కు ప్ర‌య‌త్నించి…విష‌య ప‌రిస్థితుల్లో ఉండ‌గా ఆసుపత్రిలో చేర్చారు.

పోలీసులు చెబుతున్న‌దాన్ని బ‌ట్టి…అనంగ్ మంజ‌రి, సంజ‌య్‌ల‌పై మ‌హారాజాని హౌస్ అరెస్టు చేశార‌ని, ఎవ‌రినీ క‌లిసే అవ‌కాశం లేకుండా ఆయ‌న‌ను నిర్భందించార‌నే ఆరోప‌ణ‌లు ఉన్నాయి. దీనిపై పోలీసులు రెండురోజుల క్రితం ద‌ర్యాప్తు చేప‌ట్టారు. తామున్న ప‌రిస్థితుల కార‌ణంగా ఏర్ప‌డిన ఒత్తిడిని త‌ట్టుకోలేకే వారు ఆత్మ‌హ‌త్య‌కు పాల్ప‌డి ఉంటార‌ని భావిస్తున్నారు. అనంగ్ మంజరి, ఆమె సోద‌రి బిజ‌యల‌క్ష్మి ఒక గ‌దిలో విగ‌త‌జీవులై ప‌డిఉండ‌గా, మ‌రొక గ‌దిలో సంజ‌య్ శ‌రీరం ఇంటిక‌ప్పుకి వెలాడుతూ క‌నిపించింది.