నటుడు విక్రమ్ కుమార్తె ఉంగ‌రం... దొరికింది!
సినీన‌టుడు విక్రమ్ కుమార్తె అక్షిత నిశ్చితార్ధం, డిఎంకె అధ్య‌క్షుడు క‌రుణానిధి మునిమ‌నుమ‌డు మ‌ను రంజిత్‌తో జ‌రిగిన సంగ‌తి తెలిసిందే. అయితే నిశ్చితార్ధం సంద‌ర్భంగా రంజిత్ కాబోయే భార్య‌కు తొడిగిన 12 ల‌క్ష‌ల రూపాయ‌ల ఉంగ‌రం పోయింద‌నే సంగ‌తి కూడా విని ఉన్నాం. ఇప్పుడా ఉంగ‌రం దొరికింది. కాల్‌ట్యాక్సీ డ్రైవ‌ర్ ల‌క్ష్మీ నారాయ‌ణ‌కు ఆ ఉంగ‌రం ఈ నెల రెండోతేదీన దొరికింది. అది జెమ్ స్టోన్ అయి ఉంటుంద‌ని భావించిన ల‌క్ష్మీ నారాయ‌ణ దాన్ని త‌న కారు డాష్‌బోర్డులో […]
సినీన‌టుడు విక్రమ్ కుమార్తె అక్షిత నిశ్చితార్ధం, డిఎంకె అధ్య‌క్షుడు క‌రుణానిధి మునిమ‌నుమ‌డు మ‌ను రంజిత్‌తో జ‌రిగిన సంగ‌తి తెలిసిందే. అయితే నిశ్చితార్ధం సంద‌ర్భంగా రంజిత్ కాబోయే భార్య‌కు తొడిగిన 12 ల‌క్ష‌ల రూపాయ‌ల ఉంగ‌రం పోయింద‌నే సంగ‌తి కూడా విని ఉన్నాం. ఇప్పుడా ఉంగ‌రం దొరికింది. కాల్‌ట్యాక్సీ డ్రైవ‌ర్ ల‌క్ష్మీ నారాయ‌ణ‌కు ఆ ఉంగ‌రం ఈ నెల రెండోతేదీన దొరికింది. అది జెమ్ స్టోన్ అయి ఉంటుంద‌ని భావించిన ల‌క్ష్మీ నారాయ‌ణ దాన్ని త‌న కారు డాష్‌బోర్డులో ఉంచాడు. అక్షిత ఉంగ‌రాన్ని పోగొట్టుకున్న… ఖాదర్‌ నవాజ్‌ ఖాన్‌ రోడ్డులోని ఐస్‌క్రీం పార్లర్ వ‌ద్దే ల‌క్ష్మీ నారాయ‌ణ‌కు ఆ ఉంగ‌రం దొరికింది. ల‌క్ష్మీ నారాయ‌ణ ఆ ఉంగ‌రాన్ని గాంధీ పీస్ సెంట‌ర్ కోఆర్డినేట‌ర్ ఎమ్ఎల్ రాజేష్‌కి చూపించి విష‌యం చెప్పాడు.
అప్ప‌టికే అదే ప్ర‌దేశంలో అక్షిత ఉంగ‌రం పోగొట్టుకున్న సమాచారం బ‌య‌ట‌కు రావ‌టంతో రాజేష్…వ‌రుడు రంజిత్‌కి చెందిన కేవిన్‌కేర్ కంపెనీకి వెళ్లి అక్క‌డి సిబ్బందికి ఉంగ‌రం గురించి తెలియ‌జేశాడు. వారు అది అక్షిత పోగొట్టుకున్న ఉంగ‌ర‌మేన‌ని నిర్దారించారు. దాంతో రాజేష్, ల‌క్ష్మీ నారాయ‌ణ క‌లిసి ఆ ఉంగ‌రాన్ని విక్రమ్‌కి వ్య‌క్తిగ‌తంగా అందించాల‌ని నిర్ణ‌యించుకున్నారు.
