అలంపూర్ ఎమ్మెల్యే సంప‌త్ కారెక్కుతున్నాడా?
మ‌హ‌బూబ్‌న‌గ‌ర్‌జిల్లా అలంపూర్ ఎమ్మెల్యే సంప‌త్ కుమార్ కారెక్కుడుతున్నాడా? పుష్క‌రాల సంద‌ర్భంగా అలంపూర్ కాంగ్రెస్ ఎమ్మెల్యే సంప‌త్ పేరును సీఎం కేసీఆర్ ప‌దేప‌దే వ‌ల్లె వేయ‌డం వెన‌క కార‌ణం అదేనా? విలేక‌రుల స‌మావేశాల్లో సంప‌త్ ను ప‌క్క‌నే కూర్చోబెట్టుకోవ‌డం వెన‌క ఆంత‌ర్యం అదేనా? ఇప్పుడు తెలంగాణ రాజ‌కీయాల్లో నడుస్తోన్న హాట్ టాపిక్ ఇదే! సీఎం బ‌స చేసిన అతిథి గృహానికి వెళ్లిన సంప‌త్ కు అక్క‌డ ఆయ‌న‌కు ఊహించ‌ని ఆద‌ర‌ణ ల‌భించింది. నియోజ‌క‌వ‌ర్గ స‌మ‌స్య‌ల‌పై సంప‌త్ సీఎంతో చాలా […]
మ‌హ‌బూబ్‌న‌గ‌ర్‌జిల్లా అలంపూర్ ఎమ్మెల్యే సంప‌త్ కుమార్ కారెక్కుడుతున్నాడా? పుష్క‌రాల సంద‌ర్భంగా అలంపూర్ కాంగ్రెస్ ఎమ్మెల్యే సంప‌త్ పేరును సీఎం కేసీఆర్ ప‌దేప‌దే వ‌ల్లె వేయ‌డం వెన‌క కార‌ణం అదేనా? విలేక‌రుల స‌మావేశాల్లో సంప‌త్ ను ప‌క్క‌నే కూర్చోబెట్టుకోవ‌డం వెన‌క ఆంత‌ర్యం అదేనా? ఇప్పుడు తెలంగాణ రాజ‌కీయాల్లో నడుస్తోన్న హాట్ టాపిక్ ఇదే! సీఎం బ‌స చేసిన అతిథి గృహానికి వెళ్లిన సంప‌త్ కు అక్క‌డ ఆయ‌న‌కు ఊహించ‌ని ఆద‌ర‌ణ ల‌భించింది. నియోజ‌క‌వ‌ర్గ స‌మ‌స్య‌ల‌పై సంప‌త్ సీఎంతో చాలా సేపు చ‌ర్చించారు. త‌రువాత ప్ర‌ధాన స‌మ‌స్య‌ల‌పై ఒక విన‌తిప‌త్రం అంద‌జేశారు.
అనంత‌రం ఏర్పాటు చేసిన విలేక‌రుల స‌మావేశంలో సంప‌త్ అడిగిన వాట‌న్నింటిని దాదాపుగా సీఎం మంజూరు చేయ‌డం అక్క‌డున్న ప‌లువురు రాజ‌కీయ ప్ర‌ముఖుల‌ను సైతం ఆశ్చ‌ర్యానికి గురి చేసింది. సంప‌త్ కోరిన‌వ‌న్నీ ఇవ్వ‌డానికి మేం సిద్ధంగానే ఉన్నాం. ముఖ్యంగా 100 ప‌డ‌క‌ల ఆసుప‌త్రిని నిర్మించ‌డానికి సిద్ధంగా ఉన్నాం అని ప్ర‌కటించారు. అలాగే.. ఆర్డీఎస్ ప‌నులను త్వ‌ర‌లోనే పూర్తి చేస్తాం అని హామీ ఇచ్చారు. స‌మావేశం జ‌రుగుతున్నంత సేపు సంప‌త్‌ను సీఎం ప‌క్క‌నే కూర్చోబెట్టుకున్నారు. ప‌దే ప‌దే సంప‌త్ పేరును ప‌ల‌క‌డం మీడియా ప్ర‌తినిధులను ఆశ్చ‌ర్యానికి గురి చేసింది. దీనిపై సంప‌త్ వెంట‌నే వివ‌ర‌ణ ఇచ్చుకున్నారు. నియోజ‌క‌వ‌ర్గ స‌మ‌స్య‌ల‌పై తాను సీఎంను కేవ‌లం మ‌ర్యాద పూర్వ‌కంగా క‌లిశాన‌ని వెల్ల‌డించారు. మా భేటీకి ఎలాంటి ప్రాధాన్యం లేద‌ని అక్క‌డికి వ‌చ్చిన పాత్రికేయ మిత్రుల‌తో అన్నారు.
Click on Image to Read:
Next Story
