బాలివుడ్‌లో ఛాన్సులు ఇప్పిస్తాన‌ని...బ‌తుకు నాశ‌నం చేశాడు!
బాలివుడ్‌లో హీరోయిన్‌గా అవ‌కాశాలు పొందాల‌ని క‌ల‌లు క‌న్న ఒక యువ‌తిని మ‌భ్య‌పెట్టి ఆమెతో దాదాపు రెండేళ్లు బ‌ల‌వంతంగా శారీరక సంబంధం కొన‌సాగించిన ఒక మోస‌గాడిని ఢిల్లీ పోలీసులు అరెస్టు చేశారు. శిఖా (17) (అస‌లుపేరు కాదు) అనే ఢిల్లీకి చెందిన అమ్మాయి 2014 జులైలో ఘ‌జియాబాద్‌లో ఒక యాక్టింగ్ స్కూల్‌లో చేరింది. బాలివుడ్‌లో హీరోయిన్‌గా వెలిగిపోవాల‌ని క‌ల‌లు కంటున్న ఆ బాలిక‌కు సునీల్ కుల‌క‌ర్ణి ప‌రిచ‌య‌మ‌య్యాడు. త‌న‌కు బాలివుడ్‌లో ఎంతోమందితో ప‌రిచ‌యాలు ఉన్నాయ‌ని చెప్పి ఆమెని మ‌భ్య‌పెట్టాడు. […]
బాలివుడ్‌లో హీరోయిన్‌గా అవ‌కాశాలు పొందాల‌ని క‌ల‌లు క‌న్న ఒక యువ‌తిని మ‌భ్య‌పెట్టి ఆమెతో దాదాపు రెండేళ్లు బ‌ల‌వంతంగా శారీరక సంబంధం కొన‌సాగించిన ఒక మోస‌గాడిని ఢిల్లీ పోలీసులు అరెస్టు చేశారు. శిఖా (17) (అస‌లుపేరు కాదు) అనే ఢిల్లీకి చెందిన అమ్మాయి 2014 జులైలో ఘ‌జియాబాద్‌లో ఒక యాక్టింగ్ స్కూల్‌లో చేరింది. బాలివుడ్‌లో హీరోయిన్‌గా వెలిగిపోవాల‌ని క‌ల‌లు కంటున్న ఆ బాలిక‌కు సునీల్ కుల‌క‌ర్ణి ప‌రిచ‌య‌మ‌య్యాడు. త‌న‌కు బాలివుడ్‌లో ఎంతోమందితో ప‌రిచ‌యాలు ఉన్నాయ‌ని చెప్పి ఆమెని మ‌భ్య‌పెట్టాడు. ముంబయిలో త‌న‌కు ఎన్నో ప‌రిచ‌యాలు ఉన్నాయ‌ని… శిఖా త‌ల్లిదండ్రుల‌ను సైతం కుల‌క‌ర్ణి న‌మ్మించాడు. ఆమెని త‌న‌తో పాటు ముంబ‌యి తీసుకువెళ‌తాన‌ని చెప్పి రెండు విమానం టెకెట్ల‌ను కూడా చూపించాడు.
అలా ఆమెని తీసుకువెళ్లిన కుల‌క‌ర్ణి… శిఖాని ఢిల్లీలోనే వ‌సంత్ కుంజ్‌లో ఒక ఫ్లాట్‌లో ఉంచాడు. ఇదేమిటి అని అడిగిన శిఖాతో…నువ్వు కాస్త బ‌రువు పెర‌గాల‌ని, మ‌రికాస్త అందంగా త‌యార‌వ్వాల‌ని…త‌రువాత ముంబ‌యి వెళ‌దామ‌ని చెప్పాడు. ఆమెకు మేలు చేసేవిగా చెబుతూ కొన్ని మందుల‌ను ఇచ్చేవాడు. వాటిని తీసుకోగానే శిఖ‌కు మ‌త్తుగా అనిపించేంది. ఆపై ఆమెపై అత్యాచారానికి పాల్ప‌డేవాడు. అయితే ఒక‌రోజు ఆమె మెల‌కువ స్థితిలో ఉండ‌గానే లైంగిక‌దాడి చేసి…కొన్ని ఫొటోలు తీశాడు. ఈ విష‌యం బ‌య‌ట‌పెడితే మీ త‌ల్లిదండ్రుల‌కు ఫొటోలు చూపిస్తాన‌ని ఆమెని బెదిరించాడు.
అనంత‌రం అత‌ను గ‌త ఏడాది ఆగ‌స్టులో శిఖ‌ను ముంబ‌యి తీసుకువెళ్లాడు. అక్క‌డ తూర్పు అంథేరిలో ఒక ఫ్లాట్ తీసుకున్నాడు. దాదాపు ఆరునెల‌ల పాటు ఆమెపై దారుణంగా అత్యాచారానికి పాల్ప‌డ్డాడు. అంతేకాక మ‌రొక వ్య‌క్తి ఆమెను రేప్ చేస్తుండ‌గా కుల‌క‌ర్ణి వీడియో తీశాడు. అనంత‌రం గ‌త‌నెల‌లో శిఖని ఆమె త‌ల్లిదండ్రుల వ‌ద్ద‌కు చేర్చిన కుల‌క‌ర్ణి…ఇదంతా బ‌య‌ట‌కు చెబితే వీడియోలు బ‌య‌ట‌పెడ‌తాన‌ని బెదిరించాడు. అయితే త‌ల్లిదండ్రుల‌కు ఏమీ చెప్ప‌లేక‌పోయిన శిఖా… జులై 21 న నేరుగా వ‌సంత్ కుంజ్ పోలీసుల‌కు ఈ విష‌యంపై ఫిర్యాదు చేసింది. కేసు న‌మోదు చేసిన పోలీసులు… ఈ కేసులో ఇద్ద‌రు నిందితుల్లో ఒక‌రిని అదుపులోకి తీసుకున్నామ‌ని, మ‌రొక వ్య‌క్తి కోసం గాలిస్తున్నామ‌ని వెల్ల‌డించారు.
