ఇద్ద‌రు భార్య‌లు అనుమానాస్ప‌ద మృతి...మూడో భార్య‌ని చంపేశాడు!
భార్య‌తో మ‌న‌స్ప‌ర్థ‌లున్న ఒక భ‌ర్త ఆమెని కాల్చి చంపాడు. పుణెలో బుధ‌వారం ఈ ఘ‌ట‌న చోటుచేసుకుంది. మ‌నోజ్ ప‌టిడార్ (38) ఐటి కంపెనీలో ప‌నిచేస్తున్నాడు. అత‌ని భార్య అంజ‌లి(34) డాక్ట‌రు. ఆమె గైన‌కాల‌జిస్ట్‌. వీరి మ‌ధ్య త‌ర‌చుగా గొడ‌వ‌లు వ‌స్తుండేవి. బుధ‌వారం రాత్రి కూడా అలాగే అంజ‌లి త‌న క్లినిక్‌లో ఉండ‌గా ఏదో విష‌యంమీద ఇద్ద‌రి మ‌ధ్యా తీవ్ర‌మైన వివాదం చోటుచేసుకుంది. వెంట‌నే మ‌నోజ్ త‌న వ‌ద్ద ఉన్న దేశ‌వాళీ తుపాకితో ఆమె నుదుటిపై కాల్చి వెంట‌నే […]
భార్య‌తో మ‌న‌స్ప‌ర్థ‌లున్న ఒక భ‌ర్త ఆమెని కాల్చి చంపాడు. పుణెలో బుధ‌వారం ఈ ఘ‌ట‌న చోటుచేసుకుంది. మ‌నోజ్ ప‌టిడార్ (38) ఐటి కంపెనీలో ప‌నిచేస్తున్నాడు. అత‌ని భార్య అంజ‌లి(34) డాక్ట‌రు. ఆమె గైన‌కాల‌జిస్ట్‌. వీరి మ‌ధ్య త‌ర‌చుగా గొడ‌వ‌లు వ‌స్తుండేవి. బుధ‌వారం రాత్రి కూడా అలాగే అంజ‌లి త‌న క్లినిక్‌లో ఉండ‌గా ఏదో విష‌యంమీద ఇద్ద‌రి మ‌ధ్యా తీవ్ర‌మైన వివాదం చోటుచేసుకుంది. వెంట‌నే మ‌నోజ్ త‌న వ‌ద్ద ఉన్న దేశ‌వాళీ తుపాకితో ఆమె నుదుటిపై కాల్చి వెంట‌నే అక్క‌డి నుండి పారిపోయాడు. అంజ‌లి అక్క‌డిక్క‌డే మృతి చెందింది. వీరికి సంవ‌త్స‌రంన్న‌ర పాప వుంది. పోలీసుల‌కు వెంట‌నే స‌మాచారం అంద‌డంతో వారు మ‌నోజ్ కోసం గాలింపు చేప‌ట్టారు.
అర్థ‌రాత్రి దాటాక మ‌నోజ్‌ని పోలీసులు పుణెలోనే అదుపులోకి తీసుకున్నారు. పోలీసులు సేక‌రించిన స‌మాచారాన్ని బ‌ట్టి అత‌ను హింజ‌వాడీ ఐటి హ‌బ్‌లో ప‌నిచేస్తున్నాడు. అత‌ను రూ.20వేలు పెట్టి వారం క్రితం తుపాకీని కొనుగోలు చేశాడు. దాంతోనే అంజ‌లిని హ‌త్య చేశాడు. మ‌నోజ్ ఇంత‌కుముందు రెండు వివాహాలు చేసుకున్నాడని కూడా పోలీసుల విచార‌ణ‌లో బ‌య‌ట‌ప‌డింది. అయితే త‌న మొద‌టి భార్య‌లిద్ద‌రూ ఎత్త‌యిన భ‌వ‌నం పై నుండి దూకి ఆత్మ‌హ‌త్య చేసుకున్నార‌ని అత‌ను చెప్పాడు. అవి ఆత్మ‌హ‌త్య‌లు అయిఉండ‌వ‌ని, వారి మ‌ర‌ణం వెనుక మ‌నోజ్ ప్ర‌మేయం ఉండి ఉంటుంద‌ని పోలీసులు అనుమానిస్తున్నారు. అత‌నిపై సెక్ష‌న్ 302 ప్ర‌కారం హ‌త్య కేసు న‌మోదు చేశారు. మ‌నోజ్‌కి తుపాకిని అమ్మిన వ్య‌క్తి గురించి కూడా వారు స‌మాచారం సేక‌రిస్తున్నారు.
