ఇక ప్ర‌యివేటు ఉద్యోగినుల‌కూ ఆరునెల‌ల ప్ర‌సూతి సెల‌వు!
ఇక‌పై ప్ర‌యివేటు సంస్థ‌ల్లో ప‌నిచేసే ఉద్యోగినుల‌కు సైతం ఆరునెల‌ల ప్ర‌సూతి సెల‌వు అందుబాటులోకి రానుంది. ప్ర‌యివేటు రంగంలో ప‌నిచేస్తున్న వారికి ఇప్ప‌టివ‌ర‌కు 12వారాల ప్ర‌సూతి సెల‌వుని మాత్ర‌మే ఇస్తుండ‌గా కొత్త చ‌ట్టంతో అది 26 వారాల‌కు పెర‌గ‌నుంది. కేంద్ర కేబినెట్‌లో ముసాయిదా బిల్లుని చ‌ర్చించి ఆమోదం పొందిన అనంత‌రం దాన్ని రానున్న వ‌ర్షాకాల స‌మావేశాల్లో పార్ల‌మెంటులో ప్ర‌వేశ‌పెడ‌తారు. దాంతో ఈ బిల్లు నూత‌న చ‌ట్టంగా రానుంది. కార్మిక‌శాఖా మంత్రి బండారు ద‌త్తాత్రేయ శుక్ర‌వారం ఈ వివ‌రాలు వెల్ల‌డించారు. […]
ఇక‌పై ప్ర‌యివేటు సంస్థ‌ల్లో ప‌నిచేసే ఉద్యోగినుల‌కు సైతం ఆరునెల‌ల ప్ర‌సూతి సెల‌వు అందుబాటులోకి రానుంది. ప్ర‌యివేటు రంగంలో ప‌నిచేస్తున్న వారికి ఇప్ప‌టివ‌ర‌కు 12వారాల ప్ర‌సూతి సెల‌వుని మాత్ర‌మే ఇస్తుండ‌గా కొత్త చ‌ట్టంతో అది 26 వారాల‌కు పెర‌గ‌నుంది. కేంద్ర కేబినెట్‌లో ముసాయిదా బిల్లుని చ‌ర్చించి ఆమోదం పొందిన అనంత‌రం దాన్ని రానున్న వ‌ర్షాకాల స‌మావేశాల్లో పార్ల‌మెంటులో ప్ర‌వేశ‌పెడ‌తారు. దాంతో ఈ బిల్లు నూత‌న చ‌ట్టంగా రానుంది. కార్మిక‌శాఖా మంత్రి బండారు ద‌త్తాత్రేయ శుక్ర‌వారం ఈ వివ‌రాలు వెల్ల‌డించారు.
మెట‌ర్న‌టీ బెనిఫిట్ బిల్లు పేరుతో ప్ర‌వేశ‌పెట్ట‌నున్న ఈ బిల్లులో ఇప్ప‌టిక‌యితే మ‌హిళ‌ల‌కు ప్ర‌సూతి సెల‌వుల‌ను మాత్ర‌మే పేర్కొన‌నున్నామ‌ని తెలిపారు. తండ్రుల‌కు సైతం ఈ స‌మ‌యంలో సెల‌వులు మంజూరు చేసే పెట‌ర్న‌టీ లీవుల గురించి ఇప్ప‌ట్లో ఎలాంటి ఆలోచ‌న లేద‌ని ఆయ‌న తెలిపారు.
