లేడీ గెటప్ లోకి మారిన మాస్ హీరో

అమ్మాయిగా కనిపించే పాత్రలు పోషించడం అనేది ఏ హీరోకైనా సమ్ థింగ్ స్పెషల్ అనిపించుకుంటుంది. చంటబ్బాయ్ లో చిరంజీవి ఒక సాంగ్ లో అమ్మాయిగా కనిపిస్తాడు. ఇక రాజేంద్రప్రసాద్, నరేష్ లాంటి హీరోలైతే ఫుల్ లెంగ్త్ లేడీ గెటప్పులతో సినిమాలు కూడా చేశారు. ఆ తర్వాత విక్రమ్,విశాల్ లాంటి మాస్ హీరోలు కూడా అమ్మాయి గెటప్ తో అలరించారు. తెలుగులో ఈమధ్య పాండవులు పాండవులు తుమ్మెద సినిమాలో మంచు మనోజ్ కూడా లేడీ గెటప్ లోకి మారాడు. ఇప్పుడు మరో మాస్ హీరో అమ్మాయిగా మారిపోయాడు. ఎప్పుడూ రఫ్ గడ్డం, మీసం తో మాస్ లుక్ లో కనిపించే శివకార్తికేయన్… అమ్మాయి గెటప్ లో నటిస్తున్న ‘రెమో’ సినిమా ఫస్ట్ లుక్ ను తాజాగా యూనిట్ రిలీజ్ చేసింది. ఈ ఫస్ట్ లుక్ లో ఓ నర్స్ గెటప్ వేసుకున్న శివకార్తికేయన్ నిజంగా అమ్మాయిలా కనిపించి అందర్నీ షాక్ కు గురిచేశాడు. సినిమాలో చాలావరకు ఈ మాస్ హీరో ఇలా అమ్మాయిలా అలరించనున్నాడని కోలీవుడ్ టాక్. దీంతో చాలాకాలం తర్వాత కోలీవుడ్ లో యంగ్ హీరో లేడీ గెటప్ లో అలరిస్తుండటంతో ప్రస్తుతం అక్కడ ఇదే హాట్ టాపిక్ అయింది. త్వరలోనే తమిళనాట విడుదలకానున్న ఈ సినిమా.. తెలుగులోకి రాబోతోందని తెలుస్తోంది.