ఇక పోటీ చేయను... అందుకే నిజాలు చెబుతున్నా...

టీడీపీ ఎంపీ జేసీ దివాకర్ రెడ్డి మరోసారి కీలక వ్యాఖ్యలు చేశారు. వచ్చే ఎన్నికల్లో తాను పోటీ చేయడం లేదని ప్రకటించారు. ఆ ధైర్యంతోనే అన్ని నిజాలు చెబుతున్నానని అన్నారు. చంద్రబాబు అత్యాశకు పోయి రుణమాఫీ హామీ ఇచ్చారని విమర్శించారు. ఒకే విడతలో కనీసం 50వేలు రుణమాఫీ చేసి ఉంటే రైతులు చంద్రబాబును నెత్తిన పెట్టుకునే వారన్నారు.

ఈ నెలాఖరుకు రుణమాఫీ అవుతుందని ప్రభుత్వం చెబుతోందని ఒకవేళ మాఫీ కాకపోతే మీ ఎమ్మెల్యేను నిలదీయండి అని అనంతపురం జిల్లా పర్యటనలో పిలుపునిచ్చారు. జేసీ దివాకర్ రెడ్డి ఈ వ్యాఖ్యలు చేసిన సమయంలో టీడీపీ ఎమ్మెల్యే జితేంద్రగౌడ్ కూడా పక్కనే ఉన్నారు. చంద్రబాబును తాను పొగిడే వ్యక్తిని కాదన్నారు. పొగిడితే తనకేమైనా మంత్రి పదవి వస్తుందా అని ప్రశ్నించారు. జేసీ ముందే కొందరు మహిళలు రుణమాఫీ పేరుతో తమకు చంద్రబాబు తీవ్ర అన్యాయం చేశారని వాపోయారు.

Click on Image to Read: