ఇక నో క‌రెంటు...నో ఛార్జ‌ర్‌...ఓన్లీ గాలి!

టెక్నాల‌జీ ఎంతగా ముందుకు వెళుతున్నా, మ‌రింత స్మార్ట్ ఫీచ‌ర్లు ఉన్న గాడ్జెట్లు మార్కెట్లోకి వ‌స్తున్నా, బ్యాట‌రీ బ్యాక‌ప్ అనే స‌మ‌స్య మాత్రం అలాగే ఉంటోంది. ఎంత‌గొప్ప ఫోన్‌కైనా ఛార్జ‌రు, క‌రెంటు త‌ప్ప‌నిస‌రి. ఈ స‌మ‌స్య‌పై దృష్టి పెట్టారు యూనివర్సిటీ ఆఫ్‌ వాషింగ్టన్‌, నెదర్లాండ్స్‌, డెల్ట్ఫ్‌ యూనివర్సిటీ ఆఫ్‌ టెక్నాలజీలకు చెందిన ఎలక్ట్రికల్‌ పరిశోధకులు. వీరు ఐడెంటిఫికేషన్‌ అండ్‌ సెన్సింగ్‌ ప్లాట్‌ఫాం(విస్ప్‌) అనే చిప్‌ను త‌యారుచేశారు. ఈ చిప్‌తో గాడ్జెట్లు బ్యాట‌రీ లేకుండానే ప‌నిచేస్తాయి. దీనికి ప్ల‌గ్ అక్క‌ర్లేదు, విద్యుత్ స‌దుపాయం కోసం వెతుక్కోవాల్సిన ప‌నిలేదు. ఈ చిప్, గాల్లోని రేడియో త‌రాంగాల‌ను గ్ర‌హించి విద్యుత్‌గా మార్చుకుంటుంది. దాన్నిగాడ్జెట్‌కి అందిస్తుంది. ఈ చిప్ ఇంకా అందుబాటులోకి రాలేదు. ఎప్పుడు వ‌స్తుందో, ఎంత ఖ‌రీదు ఉంటుందో తెలియ‌దు. ఇది విస్తృతంగా అందుబాటులోకి వ‌స్తే మాత్రం స్మార్ట్‌ఫోన్లు, ల్యాప్‌టాప్‌లు, టాబ్‌లెట్లు వంటి వాటికి ఎంత ఉప‌యోగ‌క‌ర‌మో చెప్ప‌న‌క్క‌ర్లేదు క‌దా!