నాగ‌శౌర్యను వెతుక్కుంటూ వ‌స్తున్న అవ‌కాశాలు!

ఒక‌ర‌కంగా నాగ‌శౌర్య‌ని అదృష్ట‌వంతుడ‌నే చెప్పాలి. కెరీర్‌లో ఊహ‌లు గుస‌గుస‌లాడే త‌ప్ప పెద్ద‌గా చెప్పుకోద‌గిన హిట్స్ లేక‌పోయినా అత‌నికి నూత‌న అవ‌కాశాలు వ‌స్తూనే ఉన్నాయి. ఊహ‌లు గుస‌గుస‌లాడేతో అప్‌క‌మింగ్ హీరోగా అత‌నికి రావాల్సినంత పేరు వ‌చ్చింది. త‌రువాత నాగ‌శౌర్య‌ చేసిన చంద‌మామ క‌థ‌లు, దిక్కులు చూడ‌కు రామ‌య్య‌, జాదూగాడు, ల‌క్ష్మీరావే మా ఇంటికి లాంటి సినిమాలు అత‌నికి అంత‌గా హెల్ప్‌కాలేదు. ఇప్పుడు నందినీరెడ్డి సినిమా క‌ల్యాణ‌వైభోగ‌మే మీద అత‌ను ఆశ‌లు పెట్టుకున్నాడు. అయితే ఈ నేప‌థ్యంలో కూడా నాగ‌శౌర్య‌కి మంచి అవ‌కాశాలు వెతుక్కుంటూ వ‌స్తున్నాయి. త్వ‌ర‌లో నాలుగు భాష‌ల్లో ఒకేసారి నిర్మించ‌బోతున్న ఓ సినిమాలో అత‌ను హీరోగా చేయ‌నున్న‌ట్టు స‌మాచారం. ఈ సినిమాకు సాయి చైత‌న్య అనే నూత‌న ద‌ర్శ‌కుడు ద‌ర్శ‌క‌త్వం వ‌హించ‌నున్నాడు. ఆస్ట్రేలియాలో సినీనిర్మాత‌గా గుర్తింపు ఉన్న ప్రొడ్యూస‌ర్ ఒక‌రు ఈ సినిమాతో తెలుగుసినీరంగానికి వ‌స్తున్నాడు. ఈ సినిమాతో నాగ‌శౌర్య‌కు నాలుగు ప్రాంతీయ భాష‌ల్లో మార్కెట్ ఏర్ప‌డే అవ‌కాశం ఉంది.